Qazan aiynda Qazaqstannan Saýd Arabiiasyna tikelei áýe reisteri ashylady. Bul týraly QR Saýda jáne integratsiia ministri Baqyt Sultanov aitty, dep habarlaidy QazAqparat.
«Bizdiń elderimiz arasynda tikelei reisterdiń ashylýy da biznes pen ózara qarym-qatynasty nyǵaitýǵa eleýli úles qosady. Qazaqstandyq SCAT áýe jelisi biylǵy qazan aiynda Almaty-Djidda baǵytyndaǵy tikelei reisterdi qaita bastaidy. Sondai-aq jaqynda Saýd Arabiiasynyń azamattary úshin vizasyz rejimdi qaita qosýdy josparlap otyrmyz, bul Saýd Arabiiasy azamattaryna Qazaqstanǵa erkin kelýine múmkindik beredi», - dedi Baqyt Sultanov elordada Qazaqstan men Saýd Arabiiasynyń birlesken investitsiialyq biznes forýmynda.
Aita keteiik, Qazaqstan-Saýd Arabiiasy saýda-ekonomikalyq, ǵylymi-tehnikalyq jáne mádeni yntymaqtastyq jónindegi Úkimetaralyq komissiiasynyń 5-shi otyrysyna qatysý úshin elordaǵa investitsiialar ministri Halid A. ál-Falih bastaǵan Saýd Arabiiasy Koroldiginiń delegatsiiasy keldi.
Delegatsiia quramynda Saýd Arabiiasy Kolroldiginiń memlekettik organdarynyń 50-den astam ókili jáne munai-himiia (SABIC, Alkhorayef Group, Aramco), energetika (ACWA Power, Aljomaih Energy and Water Company, Desert Technologies), aqparattyq tehnologiialar (ELM, National Technology Group), agroónerkásiptik keshen (SALIC, Al Rajhi International for Investment Co, Hdeim Dates, Faidh International Food Company), densaýlyq saqtaý (Dr. Sulaiman Al-Habib Medical Group), farmatsevtika (Jamjoom Pharma), logistika (Zajil), týrizm (Seera), jeńil ónerkásip (Ajlan & Bros Group), saýda (Saudi Industrial Export) jáne basqa salalardaǵy iri kompaniialardyń basshylary bar.
