Pavlodarda 52 jastaǵy kásipker Asýlan Nurmaǵambetovti óltirgen onyń biznes seriktesi 15 jylǵa bas bostandyǵynan aiyryldy, dep habarlaidy ult.kz.
Marqum byltyr aqpanda joǵalyp ketken. Úsh kúnnen keiin denesi Marǵulan kóshesindegi úidiń aýlasynan tabylǵan. Saraptama onyń denesinen 22 pyshaq jaraqatyn anyqtaǵan.
Tergeý málimetinshe, qylmys garajda jasalǵan. Kúdikti keiin Reseige qashyp ketkenimen, ustalyp, Qazaqstanǵa ekstraditsiialanǵan.
Sot ony Qylmystyq kodekstiń 99-baby boiynsha kináli dep tanyp, 15 jylǵa sottady. Sonymen qatar marqumnyń áieline 8 mln teńge, ápkeleri men aǵasyna 1 mln teńgeden moraldyq ótemaqy tóleýge mindettedi.
Alaida marqumnyń týystary jazaǵa qanaǵattanbaitynyn aityp, sot úkimine qarsylyq bildirdi.
