قازان ايىندا قازاقستاننان ساۋد ارابيياسىنا تٸكەلەي ەۋە رەيستەرٸ اشىلادى. بۇل تۋرالى قر ساۋدا جەنە ينتەگراتسييا مينيسترٸ باقىت سۇلتانوۆ ايتتى, دەپ حابارلايدى قازاقپارات.
«بٸزدٸڭ ەلدەرٸمٸز اراسىندا تٸكەلەي رەيستەردٸڭ اشىلۋى دا بيزنەس پەن ٶزارا قارىم-قاتىناستى نىعايتۋعا ەلەۋلٸ ٷلەس قوسادى. قازاقستاندىق SCAT ەۋە جەلٸسٸ بيىلعى قازان ايىندا الماتى-دجيددا باعىتىنداعى تٸكەلەي رەيستەردٸ قايتا باستايدى. سونداي-اق جاقىندا ساۋد ارابيياسىنىڭ ازاماتتارى ٷشٸن ۆيزاسىز رەجيمدٸ قايتا قوسۋدى جوسپارلاپ وتىرمىز, بۇل ساۋد ارابيياسى ازاماتتارىنا قازاقستانعا ەركٸن كەلۋٸنە مٷمكٸندٸك بەرەدٸ», - دەدٸ باقىت سۇلتانوۆ ەلوردادا قازاقستان مەن ساۋد ارابيياسىنىڭ بٸرلەسكەن ينۆەستيتسييالىق بيزنەس فورۋمىندا.
ايتا كەتەيٸك, قازاقستان-ساۋد ارابيياسى ساۋدا-ەكونوميكالىق, عىلىمي-تەحنيكالىق جەنە مەدەني ىنتىماقتاستىق جٶنٸندەگٸ ٷكٸمەتارالىق كوميسسيياسىنىڭ 5-شٸ وتىرىسىنا قاتىسۋ ٷشٸن ەلورداعا ينۆەستيتسييالار مينيسترٸ حاليد ا. ەل-فاليح باستاعان ساۋد ارابيياسى كورولدٸگٸنٸڭ دەلەگاتسيياسى كەلدٸ.
دەلەگاتسييا قۇرامىندا ساۋد ارابيياسى كولرولدٸگٸنٸڭ مەملەكەتتٸك ورگاندارىنىڭ 50-دەن استام ٶكٸلٸ جەنە مۇناي-حيمييا (SABIC, Alkhorayef Group, Aramco), ەنەرگەتيكا (ACWA Power, Aljomaih Energy and Water Company, Desert Technologies), اقپاراتتىق تەحنولوگييالار (ELM, National Technology Group), اگروٶنەركەسٸپتٸك كەشەن (SALIC, Al Rajhi International for Investment Co, Hdeim Dates, Faidh International Food Company), دەنساۋلىق ساقتاۋ (Dr. Sulaiman Al-Habib Medical Group), فارماتسەۆتيكا (Jamjoom Pharma), لوگيستيكا (Zajil), تۋريزم (Seera), جەڭٸل ٶنەركەسٸپ (Ajlan & Bros Group), ساۋدا (Saudi Industrial Export) جەنە باسقا سالالارداعى ٸرٸ كومپانييالاردىڭ باسشىلارى بار.
