استانادا ەمحانا قاراجاتىن اسا ٸرٸ مٶلشەردە جىمقىرعان تٶرت باسشى مەن لاۋازىمدى تۇلعا سوتتالدى. كەلتٸرٸلگەن شىعىن كٶلەمٸ 672,7 ملن تەڭگە بولعان, دەپ حابارلايدى ult.kz.
سوت مەلٸمەتٸنشە, قىلمىستىق سحەما 2021-2025 جىلدارى جۇمىس ٸستەگەن. سحەمانى ۇيىمداستىرعان ەيەل كەسٸپورىننىڭ ەكونوميكالىق جۇمىس قىزمەتٸنٸڭ باسشىسىن, باس ەسەپشٸسٸن جەنە مەملەكەتتٸك ساتىپ الۋ مەنەدجەرٸن ٸسكە تارتقان. ولار جالعان كەلٸسٸمشارتتار ارقىلى كەسٸپورىن قاراجاتىن ٶزدەرٸنە بايلانىستى تۇلعالاردىڭ شوتتارىنا اۋدارىپ, كەيٸن قولما-قول اقشاعا اينالدىرعان.
سونىمەن قاتار كەسٸپورىن اقشاسىنا 7 ملن تەڭگەدەن استام تۇرمىستىق تەحنيكا ساتىپ الىنعان. 2023 جىلى ۇيىمداستىرۋشى مەن تاعى ەكٸ سوتتالۋشىنىڭ يتاليياعا جەتٸ كٷندٸك ساپارىنا 7,8 ملن تەڭگە جۇمسالعان. ال 2023-2025 جىلدارى ۇيىمداستىرۋشى جەكە نەسيەسٸن ٶتەۋگە كەسٸپورىن قاراجاتىنان شامامەن 2,2 ملن تەڭگە پايدالانعان.
سوت تٶرت ادامدى دا كٸنەلٸ دەپ تانىدى. ۇيىمداستىرۋشى 8 جىلعا, ەكونوميكالىق جۇمىس قىزمەتٸنٸڭ باسشىسى 7 جىل 6 ايعا, باس ەسەپشٸ مەن مەملەكەتتٸك ساتىپ الۋ مەنەدجەرٸ 7 جىلعا باس بوستاندىعىنان ايىرىلدى.
باس ەسەپشٸگە قاتىستى جازانى ورىنداۋ 2027 جىلعى 30 قىركٷيەككە دەيٸن كەيٸنگە قالدىرىلدى.
سوتتالعانداردىڭ بارلىعىنا بەلگٸلٸ بٸر لاۋازىمداردى اتقارۋعا جەنە بەلگٸلٸ بٸر قىزمەتپەن اينالىسۋعا ٶمٸر بويىنا تىيىم سالىندى. جەبٸرلەنۋشٸ تاراپتىڭ ازاماتتىق تالابى تولىق قاناعاتتاندىرىلدى.
