Qazaqstan men Reseidiń Ekologiia ministrleri qorshaǵan ortany qorǵaý jáne tiimdi paidalaný salalaryndaǵy birlesken sharalardy talqylady, dep habarlaidy "Ult aqparat" Ekologiia ministrliginiń Telegram kanalyna silteme jasap.
QR Ekologiia, geologiia jáne tabiǵi resýrstar ministri Maǵzum Myrzaǵaliev reseilik áriptesterine Jaiyq ózeni boiynsha gidrologiialyq árjyldyqtarmen turaqty túrde almasyp otyrý tájiribesin engizýdi usyndy. Sondai-aq ol Jaiyqtyń tómengi jaǵyndaǵy ekojúieni saqtaý úshin sáýir-mamyr ailarynda Iriklin sý qoimasynan jiberiletin sý kólemin arttyrýdy usyndy.
Bul týraly Orynbor qalasyndaǵy Qazaqstannyń Ekologiia ministri men Resei Federatsiiasy tabiǵi resýrstar jáne ekologiia ministri Aleksandr Kozlovtyń ekijaqty kezdesýinde aityldy.
Maǵzum Myrzaǵalievtiń aitýynsha, Jaiyqtyń tartylýy men osynyń áserinen ózen ekojúiesiniń buzylýy – onyń sý sharýashylyq júiesin keshendi zertteýdi talap etedi. Ministr 1981 jylǵa jeiin Jaiyqtyń biryńǵai gidrologiialyq jyldyǵy jasalyp, 1982 jyldan bastap QazKSR men RFKSR úshin bólek daiyndala bastaǵanyn atap ótti. Al KSRO taraǵan soń ár el óz aldyna jasaityn boldy.
«Dál osyndai jumys tásili biz qazir kórip otyrǵan saldarǵa ákep soqtyrdy dep esepteimin. Osyǵan bailanysty Jaiyq boiynsha gidrologiialyq jyldyqtarmen turaqty túrde almasyp otyrý tájiribesin engizýdi usynamyn, - dedi Myrzaǵaliev.
Budan bólek, ministr Batys Qazaqstan oblysy aýasynyń transshekaralyq lastanýy máselesin de qozǵady.
"Atmosferalyq aýanyń monitoringi Resei Federatsiiasynyń shekaralyq aýyldarynda kúkirttotyǵy kórsetkishiniń artyp ketý jaǵdaiyn kórsetti. Jergilikti turǵyndar men atqarýshy organdardan gazdyń iisi boiynsha jii shaǵym túsedi. Ásirese, ol jel soltústikke qarai turǵanda qatty baiqalady. Bul ózindik iistiń kózi – Orynbordaǵy gaz jaǵatyn kenoryndar", - dedi Maǵzum Myrzaǵaliev.
"Oral jáne Ertis transshekaralyq ózenderiniń ekojúiesin qalpyna keltirý jáne saqtap qalý boiynsha resei-qazaqstandyq yntymaqtastyq baǵdarlamasy bekitildi. Qujat 2024 jylǵa deiin eseptelgen", - dedi óz kezeginde Aleksandr Kozlov.
Bul baǵdarlama boiynsha lastaný oryndaryn anyqtaý, sý qurylystaryn jańartý, ózender arnasyn tazartý boiynsha keshendi sharalar qarastyrylǵan.
Kezdesý qorytyndysy boiynsha taraptar erekshe qorǵalatyn tabiǵi aýmaqtardy damytý salasyndaǵy Qazaqstan-Resei yntymaqtastyǵynyń baǵdarlamasyna qol qoidy. Kelesi kezdesýdi Pavlodar qalasynda ótkizý týraly sheshim qabyldady.
