2017 jylǵy 13 maýsymda Baiqońyr qalasynda QR Premer-Ministriniń birinshi orynbasary Asqar Mamin men RF Úkimeti tóraǵasynyń orynbasary Dmitrii Rogozinniń tóraǵalyǵymen «Baiqońyr» kesheni boiynsha Qazaqstan-Resei Úkimetaralyq komissiiasynyń 5-shi otyrysy ótti, dep habarlaidy Ult.kz tilshisi QazAqparat agenttigine silteme jasap.
A. Mamin 2016 jylǵy jeltoqsanda QR Prezidenti N. Nazarbaevtyń RF-ǵa jumys sapary barysynda «Baiqońyr» keshenindegi odan ári yntymaqtastyq tujyrymdamasyna jáne «1995 jylǵy 23 jeltoqsandaǵy Baiqońyr qalasynyń mártebesi jáne onyń atqarýshy bilik organdarynyń mártebesi men qalyptastyrý tártibi týraly memleketaralyq kelisimniń QR memlekettik organdarynyń tizbesi bóligine ózgerister engizý týraly» hattamaǵa qol qoiǵanyn atap ótti.
«Bul qujat strategiialyq sipatta jáne uzaqmerzimdi perspektivada bizdiń ǵarysh ailaǵyn birlesip damytý jáne paidalaný, eki el múddesinde jańa ǵarysh jobalaryn iske asyrý, sondai-aq Baiqońyr qalasyn damytý baǵyttaryn aiqyndaidy», - dedi QR Premer-Ministriniń birinshi orynbasary.
Úkimetaralyq komissiia músheleri Baiqońyr kesheniniń jumys isteýiniń, birlesken jobalardy iske asyrý, atap aitqanda, «Báiterek» ǵarysh zymyrany keshenin qurýdyń ózekti máselelerin sheshýdi kózdeitin «Baiqońyr» keshenindegi odan ári yntymaqtastyq tujyrymdamasyn iske asyrý barysyn talqylady.
«Biz «Báiterek» jobasyn iske asyrýdy jedeldetý jáne jańa zymyrandy iske qosý merzimin 2025-ten 2022 jylǵa aýystyrý boiynsha resei tarapynyń usynysyn qoldaimyz», - dedi A. Mamin.
«Tujyrymdama sondai-aq Baiqońyr qalasynyń infraqurylymyn damytý, qolaily áleýmettik-ekonomikalyq orta, jańa jumys oryndary qurý, halyqty turǵyn úimen qamtamasyz etý, týrizmdi jáne t.b. damytý boiynsha sharalar keshenin qamtidy», - dedi ol.
Otyrys barysynda keshenniń paidalanylmaityn nysandaryn jalǵa alýdan shyǵarý jáne kádege asyrý máseleleri qaraldy. 2016 jylǵy 20 jeltoqsanda «Baiqońyr» kesheniniń RF paidalanbaityn nysandaryn kádege asyrý boiynsha pilotty jobany iske asyrý týraly sheshim qabyldanǵandyǵy atap ótiledi.
Budan basqa, taraptar Baiqońyr qalasyn damytýdyń 2017-2025 jyldarǵa arnalǵan baǵdarlamasy jobasyn talqylady.
«Biz osy baǵdarlamany ázirleýge jáne qabyldaýǵa basa mán beremiz. Ony iske asyrý injenerlik jáne áleýmettik infraqurylymdy damytý, jańa áleýmettik, mádeni, óndiristik nysandardy qurý arqyly qalanyń turaqty jumys isteýine múmkindik beredi», - dedi QR Premer-Ministriniń birinshi orynbasary jáne qujatty sapaly daiyndaýdy jáne ony oryndaýdy qamtamasyz etý qajettigin atap ótti.
Osy jylǵy úshinshi toqsanda Baiqońyr qalasy, Tóretam jáne Aqai kentteriniń turǵyndaryna meditsinalyq qyzmet kórsetý tártibi týraly ekijaqty qujatqa qol qoiýdy jedeldetý sheshimi qabyldandy.
Sondai-aq ÚAK otyrysynda qazaqstandyq taraptyń qalanyń damýyn qarjylandyrý tártibimen bailanysty máseleler qaraldy.
Otyrys qatysýshylary «Baiqońyr» ǵarysh ailaǵy qyzmetiniń ekologiialyq qaýipsizdigi máselelerine basa nazar aýdardy.
Kelissózder barysynda RF Úkimeti Tóraǵasynyń orynbasary D. Rogozin: «Bizdiń aldymyzda Qazaqstan men Resei arasyndaǵy ǵarysh salasyndaǵy bailanysty odan ári damytý ortaq mindeti tur», - dedi.
Óz kezeginde A. Mamin «Baiqońyr» kesheniniń tiimdi jumys isteýin uiymdastyrý boiynsha birlesken jumys eki eldiń ǵarysh salalaryn damytýǵa, Baiqońyrdy álemdik naryqta ǵarysh ailaǵynyń zamanaýi básekege qabiletti ǵarysh qyzmeti retinde saqtaýǵa baǵyttalǵanyn atap ótti.
