- Qazaqstan men Reseidiń júzege asyrylýy josparlanǵan somasy 20 mlrd. dollardy quraityn 60 jobasy bar. Bul týraly búgin Qazaqstan men Reseidiń XIII óńiraralyq yntymaqtastyq forýmy barysynda Elbasy Nursultan Nazarbaev aitty.
«Maǵan baian etilgendei, qazirgi ýaqytta bizde somasy 20 mlrd. dollardy quraityn 60 joba bar. Olardy júzege asyrýǵa bizdiń tarapymyzdan tolyqtai qoldaý kórsetiletin bolady», - dedi QR Prezidenti.
Memleket basshysy Qazaqstan men Resei arasynda ózara tiimdi yntymaqtastyqtyń mol tájiribesi jinaqtalǵanyn da eske salyp ótti.
«Buǵan qosa, ózara tiimdi yntymaqtastyqty damytý úshin paidalanylmaǵan áleýet te bar. Birinshiden, biz sizdermen Biryńǵai ekonomikalyq keńistikte jumys isteýdemiz. Keden odaǵynan Eýraziialyq ekonomikalyq odaǵy syndy tolyqqan óńirlik birlestik quryldy. Búginde bastamashysy Qazaqstan, Resei jáne Belarýs bolǵan odaq 5 eldi biriktiredi», - dedi Nazarbaev.
Elbasy bul odaqpen Vetnam erkin saýda týraly kelisimi jasassa, QHR, Ońtústik Koreia, Singapýr elderdi de osyndai aimaq qurýǵa niettenip otyr.
«EAEO-men yntymaqtastyqqa Úndistan, Mysyr, Iran, ASEAN elderi syndy memleketter nietti. Bul EAEO-nyń qajettiligin bildiredi», - dedi QR Prezidenti.
.jpeg)