QR Ekologiia, geologiia jáne tabiǵi resýrstar ministri Maǵzum Myrzaǵaliev Reseidiń Tabiǵi resýrstar jáne ekologiia ministri Dmitrii Kobylkinmen videobailanys arqyly keńes ótkizdi, dep habarlaidy "Ult aqparat".
M. Myrzaǵalievtiń sózine qaraǵanda, ózen basseiinderin saýyqtyrý boiynsha eki el ǵalymdaryn jumyldyra otyryp, sarapshylyq organdy qurý sheshimi jasaldy. Bul turǵyda ózen ekojúiesin saýyqtyrý men sýdyń aǵynyn zertteý sharalary qamtylmaq. Osy oraida organ quramyn 20 sáýirge deiin aiqyndaý týraly ýaǵdalastyq jasaldy.
«Jaiyq pen Ertis ózenderi basseiinderin eko-saýyqtyryrý boiynsha baǵdarlamany júzege asyrý taqyryby da talqylandy. Sonymen qatar Jaiyqtyń gidrologiialyq rejimin zertteý máselesi qaraldy. Bul baǵyttaǵy jumystar Qazaqstan Prezidentiniń tapsyrmasy boiynsha júrgizilip jatyr. Osy oraida bul sharalar qazaqstandyq-reseilik tiisti komissiia aiasynda jandanatyn bolady», - dep jazdy M. Myrzaǵaliev.
Bul turǵyda osy ýaǵdalastyqtar eki eldiń sý sharýashylyǵyndaǵy yntymaqtastyǵyn kúsheitip, transshekaralyq sýlardyń ekologiialyq jaǵdaiyn jaqsartady.
