قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ رەسەيدٸڭ تابيعي رەسۋرستار جەنە ەكولوگييا مينيسترٸ دميتريي كوبىلكينمەن ۆيدەوبايلانىس ارقىلى كەڭەس ٶتكٸزدٸ, دەپ حابارلايدى "ۇلت اقپارات".
م. مىرزاعاليەۆتٸڭ سٶزٸنە قاراعاندا, ٶزەن باسسەيٸندەرٸن ساۋىقتىرۋ بويىنشا ەكٸ ەل عالىمدارىن جۇمىلدىرا وتىرىپ, ساراپشىلىق ورگاندى قۇرۋ شەشٸمٸ جاسالدى. بۇل تۇرعىدا ٶزەن ەكوجٷيەسٸن ساۋىقتىرۋ مەن سۋدىڭ اعىنىن زەرتتەۋ شارالارى قامتىلماق. وسى ورايدا ورگان قۇرامىن 20 سەۋٸرگە دەيٸن ايقىنداۋ تۋرالى ۋاعدالاستىق جاسالدى.
«جايىق پەن ەرتٸس ٶزەندەرٸ باسسەيٸندەرٸن ەكو-ساۋىقتىرىرۋ بويىنشا باعدارلامانى جٷزەگە اسىرۋ تاقىرىبى دا تالقىلاندى. سونىمەن قاتار جايىقتىڭ گيدرولوگييالىق رەجيمٸن زەرتتەۋ مەسەلەسٸ قارالدى. بۇل باعىتتاعى جۇمىستار قازاقستان پرەزيدەنتٸنٸڭ تاپسىرماسى بويىنشا جٷرگٸزٸلٸپ جاتىر. وسى ورايدا بۇل شارالار قازاقستاندىق-رەسەيلٸك تيٸستٸ كوميسسييا اياسىندا جانداناتىن بولادى», - دەپ جازدى م. مىرزاعاليەۆ.
بۇل تۇرعىدا وسى ۋاعدالاستىقتار ەكٸ ەلدٸڭ سۋ شارۋاشىلىعىنداعى ىنتىماقتاستىعىن كٷشەيتٸپ, ترانسشەكارالىق سۋلاردىڭ ەكولوگييالىق جاعدايىن جاقسارتادى.
