Qazaqstan men Resei Federatsiiasynyń Densaýlyq saqtaý ministrlikteri vaktsinatsiia pasporttaryn ózara taný algoritmin kelisti, dep habarlaidy QazAqparat.
Buǵan deiin QR Densaýlyq saqtaý ministrligi reseilik áriptesterimen birlesip vaktsinatsiia týraly qujattardy taný sharttary men tártibin, aqparattyq júielerdiń tehnikalyq múmkindikteri men jumysyn qarastyrǵan bolatyn.
Qazirgi ýaqytta COVID-19-dan vaktsinatsiialanǵan jáne aýyryp jazylǵan adamdar týraly málimetter almasý bóliginde aqparattyq júielerdiń integratsiiasy júrip jatyr.
Osy másele boiynsha taraptar arasynda túbegeili kelispeýshilikter joq.
Esterińizge salatyn jait, Resei Federatsiiasymen vaktsinalaý pasporttaryn ózara taný qajettiligi máselesi birneshe ret joǵary deńgeide kóterilip, QR Densaýlyq saqtaý ministrligi ekijaqty tártipte, sondai-aq TMD, EAEO alańdarynda talqylandy.
