Elordada ótip jatqan Qazaqstan men Resei óńiraralyq yntymaqtastyq forýmy aiasynda QR Ulttyq ekonomika ministri Qýandyq Bishimbaev pen Reseidiń ekonomikalyq damý ministri Aleksei Ýliýkaev kezdesti, dep habarlaidy "Ult aqparat" baq.kz portalyna silteme jasap.
«Resei – bizdiń iri saýda seriktestigimiz. Resei ekonomikasynyń jai-kúii Qazaqstannyń ishki ahýalyna úlken áser etedi. EAEO aiasynda qarastyrylatyn mańyzdy qujattardyń biri – Keden kodeksi, onyń sheńberinde EAEO-ǵa múshe memleketterdiń úshinshi eldermen ózara saýdasynda iske asatyn protsedýralardy jeńildetý kerek», - dedi Q.Bishimbaev.
Ulttyq ekonomika ministri kórshi elder arasynda saýda ainalymy tómendegendikten, 2016-2017 jyldarǵa arnalǵan ózara saýdany keńeitýge baǵyttalǵan sharalar tizbesiniń jobasy daiyndalǵanyn málimdedi. Birlesken is-sharalar aiasynda ekonomikanyń túrli salalarynda 4 mlrd dollardyń 27 jobasyn júzege asyrý josparlanǵan. Bul sharalar Qazaqstan men Resei arasyndaǵy saýda ainalymyn orta merzimdi perspektivada 5-ten 11 paiyzǵa deiin ulǵaitýǵa múmkindik bermek.
Al Resei ekonomikalyq damý ministriniń aitýynsha, qazirgi tańda qos el arasyndaǵy saýda ainalymy kóńil kónshitpeidi.
«Bul eki eldiń problemasy ǵana emes, búkil álemdik saýdada osyndai jaǵdai qalyptasqan. EDYU dúniejúzilik saýdanyń rekordtyq tómen kórsetkishin belgiledi. Biyl álemdik saýda shamamen 1,7 paiyzǵa jetse, álemdik ekonomikalyq ósim 3 paiyzǵa jýyqtady. Mundai jaǵdai ekinshi jyl qatarynan qalyptastyp otyr, buryn álemdik saýda men ekonomikalyq ósim kórsetkishi kerisinshe bolǵan. EAEO aiasynda kelisip, áreket etken jón. Keden kodeksi degen mańyzdy, qarym-qatynasty jeńildetý úshin keden organdary arasynda aqparattyq almasýdy uiymdastyrý kerek. Kedergilerdi alyp tastap, infraqurylymdy jaqsartyp, elektrondyq júieni damytý qajet», - dedi A.Ýlýiýkaev.
.jpeg)