Elimizde Qazaqstan Respýblikasynyń Tuńǵysh Prezidenti – Elbasy atyndaǵy Ulttyq qorǵanys ýniversiteti jumys isteitini belgili. Atalǵan oqý orny kóptegen eldermen bailanys ornatyp, áskeri mamandar daiarlaýda mol tájiribe almasýǵa kúsh-jiger jumsaidy. Máselen, dál osy oqý ornynyń ishinen «Pákistannyń áskeri óneri» aýditoriiasy ashyldy, - dep habarlaidy «Ult aqparat».
Bul kabinet Pákistan Islam Respýblikasymen áskeri bilim berý jáne kadrlar daiarlaý salasyndaǵy áskeri yntymaqtastyq sheńberinde ashylyp otyr. Al aýditoriianyń ashylý saltanatyna QR QK Bas shtaby men Ulttyq qorǵanys ýniversitetiniń basshylyǵy, sondai-aq Qazaqstanǵa resmi saparmen kelgen Pákistan Islam Respýblikasy Qarýly Kúshteri Shtabtar bastyqtary birikken komitetiniń tóraǵasy general Nadim Raza qatysty.
«Men Ulttyq qorǵanys ýniversitetiniń oqý-materialdyq bazasymen jáne ǵylymi-zertteý qyzmetimen tanystym. Bazasy myqty ýniversitettiń bolashaǵy da myqty bolatynyna senemin. Eki eldiń yntymaqtastyǵynyń belgisi retinde, ashylǵan aýditoriianyń bilim alamyn degen jastarǵa sapaly qyzmet etetinine de senim bildirgim keledi. Sonymen qatar, Qazaqstan Respýblikasynyń Tuńǵysh Prezidenti – Elbasy atyndaǵy Ulttyq qorǵanys ýniversitetinen ashylǵan aýditoriia Pákistan Islam Respýblikasymen áskeri bilim berý jáne kadrlar daiarlaý salasyndaǵy áskeri yntymaqtastyq sheńberinde ashylǵanyn súiinshilei habarlaimyn», - dedi ákistan Islam Respýblikasy Qarýly Kúshteri Shtabtar bastyqtary birikken komitetiniń tóraǵasy general Nadim Raza.
Al Ulttyq qorǵanys ýniversiteti bastyǵynyń orynbasary polkovnik Amangeldi Toǵysovtyń aitýynsha, aýditoriia zamanaýi oqý quraldarymen jabdyqtalǵan. Oqý protsesin uiymdastyrýǵa jańasha kózqaraspen qaraýǵa, sondai-aq onyń sapasy men tvorchestvolyq qabiletin arttyrýǵa yqpal etýge barlyq jaǵdai jasalǵan. Sonymen qatar, ýniversitet bastynyń orynbasary oqý ornynyń halyqaralyq seriktestik týraly da sóz etti.
«Ýniversitet mindetteriniń mańyzdy baǵyttarynyń biri – halyqaralyq seriktestik ornatý. Ulttyq qorǵanys ýniversitetiniń ǵalymdary Resei Federatsiiasy, Belarýs Respýblikasy, Qyrǵyz Respýblikasy, Tájikstan Respýblikasy, Amerika Qurama Shtattary ǵalymdarymen birlesip memlekettiń áskeri qaýipsizdigin qamtamasyz etý máseleleri boiynsha halyqaralyq ǵylymi konferentsiialar men seminarlarǵa qatyssa, qazirgi ýaqytta ǵylymi-tehnikalyq yntymaqtastyq aiasynda birlesken perspektivalyq ǵylymi jobalardy júzege asyrýda. Oqý ornynyń qurylǵan kúninen bastap TMD elderinde de, alys shetelderde de abyroiy men bedeli arta túsýde. Ýniversitette saparmen bolǵan TMD elderiniń joǵary áskeri basshylary, Qytai, AQSh, Germaniia, Túrkiia, Úndistan, Pákistan, Iordaniia jáne Rýmyniiadan kelgen áskeri delegatsiialar professorlyq-oqytýshylar quramy men tyńdaýshylar quramynyń kásibi daiyndyǵy deńgeiin joǵary baǵalady. Shet memleketter qarýly kúshteri ókilderiniń ýniversitet jeke quramymen kezdesýleri yntymaqtastyqtyń damýyna zor yqpalyn tigizedi, áskeri kadrlardy daiyndaý úrdisi sapasyn ózara arttyrýǵa, senimdi nyǵaitýǵa úlken múmkindikter beredi», - dedi Ulttyq qorǵanys ýniversiteti bastyǵynyń orynbasary polkovnik Amangeldi Toǵysov.
Aita keteiik, buǵan deiin Pákistan Islam Respýblikasy Qarýly Kúshteri Shtabtar bastyqtary birikken komitetiniń tóraǵasy general Nadim Raza Qazaqstanǵa resmi saparmen kelýine orai, Qorǵanys ministrliginde Qazaqstan men Pákistan arasyndaǵy áskeri yntymaqtastyq máseleleri talqylanǵan bolatyn. Qorǵanys vedomstvosynda general Nadim Razany Qazaqstan Respýblikasynyń Qorǵanys ministri general-leitenant Nurlan Ermekbaev qabyldady.
Keńeitilgen quramda general Nadim Razamen Qorǵanys ministriniń birinshi orynbasary – Bas shtab bastyǵy general-leitenant Murat Bektanov ta kezdesti.
Kezdesý barysynda Qazaqstan men Pákistan arasyndaǵy áskeri yntymaqtastyqtyń ózekti máseleleri talqylandy. Atap aitqanda, jaýyngerlik daiarlyq, áskeri bilim berý jáne kadrlar daiarlaý, BUU missiialarynda bitimgershilik kontingentin birlesip óristetý salasyndaǵy ózara is-qimyl máseleleri qozǵaldy.
Esterińizge sala keteiik, Elimizde Qazaqstan Respýblikasynyń Tuńǵysh Prezidenti – Elbasy atyndaǵy Ulttyq qorǵanys ýniversiteti jumys isteitini belgili. Atalǵan oqý orny kóptegen eldermen bailanys ornatyp, áskeri mamandar daiarlaýda mol tájiribe almasýǵa kúsh-jiger jumsaidy. Máselen, dál osy oqý ornynyń ishinen «Pákistannyń áskeri óneri» aýditoriiasy ashyldy. Bul kabinet Pákistan Islam Respýblikasymen áskeri bilim berý jáne kadrlar daiarlaý salasyndaǵy áskeri yntymaqtastyq sheńberinde ashylyp otyr. Al aýditoriianyń ashylý saltanatyna QR QK Bas shtaby men Ulttyq qorǵanys ýniversitetiniń basshylyǵy, sondai-aq Qazaqstanǵa resmi saparmen kelgen Pákistan Islam Respýblikasy Qarýly Kúshteri Shtabtar bastyqtary birikken komitetiniń tóraǵasy general Nadim Raza qatysty.
