QR Sybailas jemqorlyqqa qarsy is-qimyl agenttiginiń tóraǵasy Marat Ahmetjanov Ekonomikalyq yntymaqtastyq uiymyna múshe memleketterdiń sybailas jemqorlyqqa qarsy kúres organdary basshylarynyń otyrysyna qatysty, dep habarlaidy "Ult aqparat".
QR Sybailas jemqorlyqqa qarsy is-qimyl agenttigi baspasóz qyzmetiniń habarlaýynsha, 16 maýsymda qazaqstandyq delegatsiia Tashkentte (Ózbekstan) Ekonomikalyq Yntymaqtastyq Uiymyna qatysýshy elderdiń sybailas jemqorlyqqa qarsy kúres organdary basshylarynyń jáne ombýdsmenderiniń 4-shi otyrysyna qatysty.
Ortalyq Aziia men Taiaý Shyǵystyń 10 memleketiniń sybailas jemqorlyqqa qarsy vedomstvolarynyń ókilderi sybailas jemqorlyqqa qarsy saiasatty damytý jáne sybailas jemqorlyqqa qarsy is-qimyl salasyndaǵy ózara is-qimyl máselelerin talqylady.
M. Ahmetjanov Qazaqstanda qylmystyq-quqyqtyq salada, sondai-aq sybailas jemqorlyqqa qarsy is-qimyl jáne tsifrlandyrý salasynda júrgizilip jatqan reformalar týraly habarlady. Ol osy baǵyttarda qabyldanǵan sharalar kesheni Qazaqstanǵa Zań ústemdiginiń halyqaralyq reitingisinde 128 memlekettiń ishinde 62-oryndy alýǵa múmkindik bergenin atap ótti. Dúniejúzilik Banktiń Sybailas jemqorlyqty baqylaý indikatory boiynsha Qazaqstan 2 jyl ishinde óz kórsetkishterin 2 eseden astamǵa jaqsartty.
Sonymen qatar, 8 jyl ishinde Qazaqstan Sybailas jemqorlyqty qabyldaý indeksindegi (Transparency International) pozitsiiasyn 133-ten 94-orynǵa deiin jaqsartty.
Is-sharaǵa qatysýshylar sybailas jemqorlyqqa qarsy zańnamany jetildirý, qylmystyq sot isin júrgizý jáne memlekettik qyzmetter kórsetý salalarynda tsifrlyq tehnologiialardy qoldaný, sondai-aq qylmystyq protsestiń úsh býyndy modelin engizý boiynsha Qazaqstannyń tájiribesin oń atap ótti.
Sapar aiasynda M. Ahmetjanovtyń Ózbekstan men Tájikstannyń sybailas jemqorlyqqa qarsy organdarynyń basshylarymen ekijaqty kezdesýleri ótti.
Ózbekstan Respýblikasynyń Sybailas jemqorlyqqa qarsy is-qimyl agenttigimen ózara túsinistik týraly Memorandýmǵa qol qoiyldy.
a
