قر سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى مارات احمەتجانوۆ ەكونوميكالىق ىنتىماقتاستىق ۇيىمىنا مٷشە مەملەكەتتەردٸڭ سىبايلاس جەمقورلىققا قارسى كٷرەس ورگاندارى باسشىلارىنىڭ وتىرىسىنا قاتىستى, دەپ حابارلايدى "ۇلت اقپارات".
قر سىبايلاس جەمقورلىققا قارسى ٸس-قيمىل اگەنتتٸگٸ باسپاسٶز قىزمەتٸنٸڭ حابارلاۋىنشا, 16 ماۋسىمدا قازاقستاندىق دەلەگاتسييا تاشكەنتتە (ٶزبەكستان) ەكونوميكالىق ىنتىماقتاستىق ۇيىمىنا قاتىسۋشى ەلدەردٸڭ سىبايلاس جەمقورلىققا قارسى كٷرەس ورگاندارى باسشىلارىنىڭ جەنە ومبۋدسمەندەرٸنٸڭ 4-شٸ وتىرىسىنا قاتىستى.
ورتالىق ازييا مەن تاياۋ شىعىستىڭ 10 مەملەكەتٸنٸڭ سىبايلاس جەمقورلىققا قارسى ۆەدومستۆولارىنىڭ ٶكٸلدەرٸ سىبايلاس جەمقورلىققا قارسى ساياساتتى دامىتۋ جەنە سىبايلاس جەمقورلىققا قارسى ٸس-قيمىل سالاسىنداعى ٶزارا ٸس-قيمىل مەسەلەلەرٸن تالقىلادى.
م. احمەتجانوۆ قازاقستاندا قىلمىستىق-قۇقىقتىق سالادا, سونداي-اق سىبايلاس جەمقورلىققا قارسى ٸس-قيمىل جەنە تسيفرلاندىرۋ سالاسىندا جٷرگٸزٸلٸپ جاتقان رەفورمالار تۋرالى حابارلادى. ول وسى باعىتتاردا قابىلدانعان شارالار كەشەنٸ قازاقستانعا زاڭ ٷستەمدٸگٸنٸڭ حالىقارالىق رەيتينگٸسٸندە 128 مەملەكەتتٸڭ ٸشٸندە 62-ورىندى الۋعا مٷمكٸندٸك بەرگەنٸن اتاپ ٶتتٸ. دٷنيەجٷزٸلٸك بانكتٸڭ سىبايلاس جەمقورلىقتى باقىلاۋ ينديكاتورى بويىنشا قازاقستان 2 جىل ٸشٸندە ٶز كٶرسەتكٸشتەرٸن 2 ەسەدەن استامعا جاقسارتتى.
سونىمەن قاتار, 8 جىل ٸشٸندە قازاقستان سىبايلاس جەمقورلىقتى قابىلداۋ يندەكسٸندەگٸ (Transparency International) پوزيتسيياسىن 133-تەن 94-ورىنعا دەيٸن جاقسارتتى.
ٸس-شاراعا قاتىسۋشىلار سىبايلاس جەمقورلىققا قارسى زاڭنامانى جەتٸلدٸرۋ, قىلمىستىق سوت ٸسٸن جٷرگٸزۋ جەنە مەملەكەتتٸك قىزمەتتەر كٶرسەتۋ سالالارىندا تسيفرلىق تەحنولوگييالاردى قولدانۋ, سونداي-اق قىلمىستىق پروتسەستٸڭ ٷش بۋىندى مودەلٸن ەنگٸزۋ بويىنشا قازاقستاننىڭ تەجٸريبەسٸن وڭ اتاپ ٶتتٸ.
ساپار اياسىندا م. احمەتجانوۆتىڭ ٶزبەكستان مەن تەجٸكستاننىڭ سىبايلاس جەمقورلىققا قارسى ورگاندارىنىڭ باسشىلارىمەن ەكٸجاقتى كەزدەسۋلەرٸ ٶتتٸ.
ٶزبەكستان رەسپۋبليكاسىنىڭ سىبايلاس جەمقورلىققا قارسى ٸس-قيمىل اگەنتتٸگٸمەن ٶزارا تٷسٸنٸستٸك تۋرالى مەموراندۋمعا قول قويىلدى.
a
