Búgin Tashkent qalasynda Qazaqstan Respýblikasy Premer-Ministriniń orynbasary Eraly Toǵjanov bastaǵan QR delegatsiiasy Ózbekstan Respýblikasy Premer-Ministriniń orynbasary Behzod Mýsaevpen kezdesý ótkizdi, dep habarlaidy "Ult aqparat" primeminister.kz-ke silteme jasap.
Taraptar Qazaqstan men Ózbekstannyń qazirgi epidemiologiialyq ahýalyn, koronavirýs infektsiiasynyń taralýyna jol bermeý jónindegi birlesken sharalardy talqylady.
Sondai-aq taraptar kezdesý barysynda qabyldanǵan barlyq sheshimder ózara tiimdi seriktestiktiń odan ári damýyna serpin berip, baýyrlas Qazaqstan men Ózbekstan halyqtarynyń ál-aýqatyn jaqsartýǵa úles qosatyndaryna senimderin bildirdi.
E. Toǵjanov búkil álemdi sharpyǵan COVID-19 pandemiiasy eki eldiń arasyndaǵy ózara is-qimyl men ózara qoldaýynyń qajettiligin taǵy bir ret kórsetti dep basa aitty.
B. Mýsaev epidemiologiialyq ahýalǵa der kezinde den qoiý, halyqqa PTR-testileýi men dárilik zattardyń qoljetimdiligin qamtamasyz etý, jańa aýrýhanalar salý máselelerinde Qazaqstan basshylyǵynyń jedeldiginiń joǵary deńgeiin atap ótti. Ózbekstan Premer-Ministriniń orynbasary koronavirýs infektsiiasynyń taralýyna qarsy turýǵa yqpal etetin aqparattyq tehnologiialardy engizýdiń nátijesin erekshe atap ótti.
Ózbekstan Úkimetiniń ókilderi qazirgi epidemiologiialyq ahýal týraly únemi aqparat almasý túrinde densaýlyq saqtaý salasyndaǵy seriktestikti jandandyrýǵa daiyn ekendikterin bildirdi.
Budan ári eki eldiń vitse-premerleri farmatsevtikalyq ónerkásip salasyndaǵy birlesken jobalardy, onyń ishinde Qazaqstan aýmaǵynda dárilik jáne gigienalyq zattardy shyǵaratyn zaýyt salý, Ózbekstanda farmatsevtikalyq ónimder shyǵaratyn kásiporyndar qurý máselelerin talqylady.
Pandemiia jaǵdaiynda vaktsinatsiia máselesi asa mańyzdy bolyp tabylady. Qazaqstandyq delegatsiia QazCovid-in inaktivatsiialanǵan vaktsinasynyń klinikalyq zertteýleriniń I jáne II fazalarynyń aralyq nátijelerin málimdedi. Birinshi jáne ekinshi kezeńderdiń nátijeleri joǵary tiimdilikti kórsetti. Qazirgi ýaqytta 3 000 adamdy qamtityn klinikalyq zertteýlerdiń úshinshi kezeńi júrip jatyr.
Kezdesý barysynda E.Toǵjanov eki eldiń densaýlyq saqtaý ministrlikteri arasyndaǵy Kelisimdi ázirleý jáne qol qoiý týraly usynys jasady. Vitse-premerdiń aitýynsha, bul qadam densaýlyq saqtaý salasy, onyń ishinde tsifrlyq tehnologiialar men ziiatkerlik júielerdi, meditsinalyq bilim men ǵylymdy, farmatsiiany, memlekettik-jekemenshik áriptestikti jáne basqa da salalardy damytýǵa jańa múmkindikter beredi.
Eki kúndik sapar aiasynda qazaqstandyq delegatsiia birqatar meditsinalyq ortalyqtar men farmatsevtikalyq kásiporyndarǵa, sondai-aq Tashkent meditsinalyq akademiiasyna barady.
Óz kezeginde E. Toǵjanov ózbek áriptesterin Qazaqstannyń jetekshi meditsinalyq ortalyqtarynyń jumysymen tanysý úshin elge arnaiy saparmen kelýge shaqyrdy. Behzod Mýsaev shaqyrtýǵa alǵys bildirip, densaýlyq saqtaý jáne bilim berý salasyndaǵy tájiribelerimen jáne jetistikterimen odan ári almasýǵa daiyn ekenin bildirdi.
