25-26 aqpanda Ózbekstanda úkimet basshylary qatysqan qazaq-ózbek ekijaqty bailanystar tarihyndaǵy ekinshi aimaqaralyq yntymaqtastyq forýmy ótkizildi, dep habarlaidy "Ult aqparat" QR Ulttyq ekonomika ministrliginiń baspasóz qyzmetine silteme jasap.
Is-sharanyń taqyryby – «Agroónerkásiptik kooperatsiia, ónerkásip jáne týrizm salasyndaǵy aimaqtyq biznes yntymaqtastyǵy».
Forým jumysyna Qazaqstan delegatsiiasy quramynda QR Ulttyq ekonomika ministri Rýslan Dálenov qatysty.
Vedomstvo plenarlyq otyrys qorytyndysy boiynsha Ózbekstan Ekonomika jáne ónerkásip ministrligi men Qazaqstan Respýblikasy Ulttyq ekonomika ministrligi arasynda Ózara túsinistik jáne yntymaqtastyq týraly memorandýmǵa qol qoiyldy.
«Strategiialyq áriptestik aiasynda biz búgin ministrlikter arasynda Ekonomikalyq yntymaqtastyqty damytý týraly memorandýmǵa qol qoidyq. Ashyq ekonomikalyq, quqyqtyq jáne ózge de aqparatpen, sondai-aq tiisti zańnamalyq aktilerdiń mátinderimen, olarǵa engizilgen ózgeristermen almasatyn bolamyz», - dep atap kórsetti Dálenov.
«Sóz joq, búgingi forým – Qazaqstan men Ózbekstan arasyndaǵy ózara yntymaqtastyq pen berik bailanystardy ornyqtyrý jolyndaǵy taǵy bir qadam. Ol aimaqaralyq jáne shekaramańy investitsiiasy kólemin ulǵaitýǵa, Qazaqstan men Ózbekstannyń iskerlik ortasy men óńirleri arasyndaǵy biznestiń ózara yntymaqtastyǵyna serpin beredi», - dedi QR Ulttyq ekonomika ministrligi basshysy is-sharadan soń.
