25-26 اقپاندا ٶزبەكستاندا ٷكٸمەت باسشىلارى قاتىسقان قازاق-ٶزبەك ەكٸجاقتى بايلانىستار تاريحىنداعى ەكٸنشٸ ايماقارالىق ىنتىماقتاستىق فورۋمى ٶتكٸزٸلدٸ, دەپ حابارلايدى "ۇلت اقپارات" قر ۇلتتىق ەكونوميكا مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
ٸس-شارانىڭ تاقىرىبى – «اگروٶنەركەسٸپتٸك كووپەراتسييا, ٶنەركەسٸپ جەنە تۋريزم سالاسىنداعى ايماقتىق بيزنەس ىنتىماقتاستىعى».
فورۋم جۇمىسىنا قازاقستان دەلەگاتسيياسى قۇرامىندا قر ۇلتتىق ەكونوميكا مينيسترٸ رۋسلان دەلەنوۆ قاتىستى.
ۆەدومستۆو پلەنارلىق وتىرىس قورىتىندىسى بويىنشا ٶزبەكستان ەكونوميكا جەنە ٶنەركەسٸپ مينيسترلٸگٸ مەن قازاقستان رەسپۋبليكاسى ۇلتتىق ەكونوميكا مينيسترلٸگٸ اراسىندا ٶزارا تٷسٸنٸستٸك جەنە ىنتىماقتاستىق تۋرالى مەموراندۋمعا قول قويىلدى.
«ستراتەگييالىق ەرٸپتەستٸك اياسىندا بٸز بٷگٸن مينيسترلٸكتەر اراسىندا ەكونوميكالىق ىنتىماقتاستىقتى دامىتۋ تۋرالى مەموراندۋمعا قول قويدىق. اشىق ەكونوميكالىق, قۇقىقتىق جەنە ٶزگە دە اقپاراتپەن, سونداي-اق تيٸستٸ زاڭنامالىق اكتٸلەردٸڭ مەتٸندەرٸمەن, ولارعا ەنگٸزٸلگەن ٶزگەرٸستەرمەن الماساتىن بولامىز», - دەپ اتاپ كٶرسەتتٸ دەلەنوۆ.
«سٶز جوق, بٷگٸنگٸ فورۋم – قازاقستان مەن ٶزبەكستان اراسىنداعى ٶزارا ىنتىماقتاستىق پەن بەرٸك بايلانىستاردى ورنىقتىرۋ جولىنداعى تاعى بٸر قادام. ول ايماقارالىق جەنە شەكاراماڭى ينۆەستيتسيياسى كٶلەمٸن ۇلعايتۋعا, قازاقستان مەن ٶزبەكستاننىڭ ٸسكەرلٸك ورتاسى مەن ٶڭٸرلەرٸ اراسىنداعى بيزنەستٸڭ ٶزارا ىنتىماقتاستىعىنا سەرپٸن بەرەدٸ», - دەدٸ قر ۇلتتىق ەكونوميكا مينيسترلٸگٸ باسشىسى ٸس-شارادان سوڭ.
