Foto: Pexels.com
Qazaqstan men Ózbekstan arasynda jańa áýe baǵyttary ashylyp, týrizmdi damytý jumystary kúsheitildi, dep habarlaidy Ult.kz.
Qazaqstan Respýblikasynyń Premer-ministri Oljas Bektenovtiń tapsyrmasyna sáikes eki el arasyndaǵy týrizm men kólik bailanystaryn keńeitý baǵytynda qarqyndy jumys bastaldy.
Kólik ministrliginiń málimetinshe, 1 jeltoqsannan bastap SCAT áýekompaniiasy úsh jańa halyqaralyq baǵytty iske qosady:
-
Túrkistan – Buhara
-
Túrkistan – Úrgenish (Hiýa)
-
Túrkistan – Samarqand
Ár baǵyt boiynsha reister aptasyna úsh ret oryndalady. Biletter satylymǵa shyqty, bir jaqqa ushý quny — 40 myń teńge.
Bastapqy kezeńde jolaýshylar aǵynyn qalyptastyrý úshin bul áýe qatynastary memleket tarapynan sýbsidiialanatyn bolady. Jańa marshrýttar týrizmdi damytýǵa, Uly Jibek joly boiyndaǵy tarihi qalalardy tanytýǵa, óńirlerdiń kólik qoljetimdiligin arttyrýǵa jáne sheteldik týrister aǵynyn kúsheitýge baǵyttalǵan.
Sonymen qatar Týrizm jáne sport ministrligi Ortalyq Aziianyń Jibek joly boiynsha ortaq marshrýttyń jańa tujyrymdamasyn ázirledi. Oǵan Almaty, Shymkent, Túrkistan, Tashkent, Samarqand, Buhara jáne Hiýa qalalary, sondai-aq aimaqtyń ortaq tarihi jáne tabiǵi mura obektileri engizildi.
Samarqandqa alǵashqy týr Kompastour operatorymen birlesip iske qosyldy. Qazir basqa týrkompaniialarmen de jańa baǵyttardy uiymdastyrý týraly kelissózder júrip jatyr.
2026 jyly Qazaqstan men Ózbekstan týrizm salasyndaǵy áleýetin biriktirip, birlesken túrde halyqaralyq deńgeide ilgeriletý josparlanyp otyr.
