12-17 qarasha aralyǵynda Gúlstan Ózbekstannyń Gúlstan qalasynda Qazaqstan-Ózbekstan birlesken demarkatsiialyq komissiiasyndaǵy Qazaqstan jáne Ózbekstannyń Úkimettik delegatsiialarynyń otyrysy ótti, dep habarlaidy "Ult aqparat".
QR Syrtqy ister ministrliginen málim etkendei, komissiia Ózbekstan Respýblikasyndaǵy Qaraqalpaqstanmen shektes Qazaqstan Respýblikasynyń Mańǵystaý oblysy shegindegi ýchaskege memlekettik shekarany demarkatsiialaýdyń qorytyndy qujattarynyń jobalaryn daiyndaýdy jalǵastyrdy.
Komissiia músheleri 2020 jylǵy mamyrda Sardoba sý qoimasy bógetiniń buzylýy sebebinen búlingen shekaralyq baǵanalardy qalpyna keltirý maqsatynda Ózbekstannyń Syrdariia jáne Jizaq oblystarymen shektes Qazaqstan Respýblikasynyń Túrkistan oblysy shegindegi memlekettik shekaranyń jekelegen ýchaskelerine dalalyq zertteý júrgizdi.
«Kelissózder dostyq jáne syndarly jaǵdaiynda ótti. Kelesi otyrys Qazaqstan Respýblikasynda 2020 jyldyń jeltoqsan aiynda josparlanǵan», - delingen SIM aqparatynda.
Eske sala keteiik, 2 mamyrda Ózbekstanda Sardoba sý qoimasynyń bógeti jarylyp, bir kúnniń ishinde Qazaqstannyń Túrkistan oblysynda 4 aýyldy sý basty, 620 úi búlindi.
