QR Premer-Ministri Asqar Mamin men ÓR Premer-Ministri Abdýlla Aripov Túrkistan qalasynda kezdesý ótkizdi, dep habarlaidy primeminister.kz.
Úkimet basshylary saýda-ekonomikalyq, investitsiialyq, aýyl sharýashylyǵy, sý-energetika, kólik-logistikalyq, kedendik yntymaqtastyq, sondai-aq ónerkásiptik kooperatsiia men óńiraralyq ózara is-qimyldyń ózekti máselelerin talqylady.
QR men ÓR arasyndaǵy 2020-2022 jyldarǵa arnalǵan yntymaqtastyqty keńeitý jáne tereńdetý jónindegi praktikalyq sharalar josparyn iske asyrý, aimaqtyq taýar ótkizý júiesin, Qazaqstan – Ózbekstan shekarasynda Halyqaralyq saýda-ekonomikalyq yntymaqtastyq ortalyǵyn qurý, shekara mańy ótkizý beketterin jańǵyrtý jáne t. b. máselelerge erekshe nazar aýdaryldy.
Ózbekstan — Qazaqstannyń Ortalyq Aziia óńirindegi negizgi saýda seriktesi. 2019 jyldyń qorytyndysy boiynsha ekijaqty taýar ainalymy 21,2%-ǵa – $4,5 mlrd-qa deiin ósti. Taraptar taýar ainalymyn $10 mlrd-qa deiin jetkizýdi kózdep otyr.
Úkimet basshylary Túrkistan qalasynda toqyma buiymdaryn óndiretin «Turkistan Textile» qazaqstandyq-ózbek birlesken kásipornynyń ashylý rásimine qatysty. Tigin fabrikasy «Turkistan» indýstriialyq aimaǵynda 2 ga aýmaqta ornalasqan. Investitsiia kólemi – 700 mln teńge. Óndiristiń jobalyq qýaty – aiyna 13 myń toqyma buiymdary. Kásiporyn áielder úshin, onyń ishinde erekshe qajettilikteri bar jandar úshin 1 myńnan astam jańa jumys ornyn qurýǵa múmkindik beredi.
A. Mamin A. Aripovty Túrkistan qalasynyń áleýmettik, sport, kólik jáne týristik infraqurylymynyń jańa nysandarymen – halyqaralyq áýejai, kongress-holl, «Uly Dala Eli» ortalyǵy, «Túrkistan Arena» stadiony, Oqýshylar saraiy, «Rixos Turkestan» qonaq úiimen, sondai-aq «Kerýen-sarai» kópfýnktsionaldy týristik kesheniniń jáne 5 myń oryndyq meshittiń salyný barysymen tanystyrdy.
Úkimet basshylary Q. A. Iassaýi kesenesine, «Áziret-Sultan» mádeni-tarihi mýzeiine baryp, Abai eskertkishine gúl shoqtaryn qoidy.
