Búgin Ózbekstan Respýblikasyna jumys sapary aiasynda Qazaqstan Respýblikasy Premer-Ministriniń orynbasary Eraly Toǵjanov Ózbekstan Respýblikasynyń Premer-Ministri Abdýlla Aripovpen kezdesti, dep habarlaidy primeminister.kz.
Kelissóz barysynda densaýlyq saqtaý, bilim jáne ǵylym salasyndaǵy Qazaqstan men Ózbekstannyń yntymaqtastyǵyn nyǵaitý máseleleri talqylandy.
Qos memlekettegi qazirgi epidemiologiialyq jaǵdai týraly pikir almasyp, COVID-19 jańa infektsiiasyna qarsy kúresýde qabyldanǵan sharalardy iske asyrýdyń mańyzdylyǵy atalyp ótildi.
Epidemiia jáne pandemiia bolǵan jaǵdaida jedel áreket jasap, ózara is-qimyl boiynsha birlesken tiimdi sharalar ázirleý týraly kelisimge qol jetkizildi.
Kezdesý barysynda taraptar joǵary tehnologiialyq meditsinalyq kómek kórsetý, sanitariialyq-epidemiologiialyq sharalarǵa kóńil bólý, vaktsinalaý boiynsha aldyn alý máseleleri, aqparattyq tehnologiialardy engizý, farmatsiia boiynsha ózara is-qimyldy jolǵa qoiý, onyń ishinde farmatsevtikalyq ónerkásipte kooperatsiialyq jobalardy iske asyrýdy pysyqtaý jáne densaýlyq saqtaý máseleleri boiynsha meditsinalyq qyzmetter kórsetý, t.b. máseleler boiynsha yntymaqtastyqty jandandyrý qajettiligi týraly ortaq pikirge toqtady.
Joǵary tehnologiialar salasyndaǵy birlesken jobalardy keńeitý jáne eki el arasyndaǵy úzdiksiz meditsinalyq bilim berý salasyndaǵy yntymaqtastyǵyn jandandyrý, meditsinalyq bilim berý uiymdarynyń stýdentteri men oqytýshylary arasyndaǵy akademiialyq utqyrlyqty keńeitý, birlesken ǵylymi jobalardy ázirleý jáne engizý, t.b. salalar boiynsha ózara ózara is-qimyldy jolǵa qoiý týraly kelisimge qol jetkizildi.
Kelissóz barysynda Qazaqstan Premer-Ministriniń orynbasary Ózbekstanda qazaqstandyq joǵary oqý oryndarynyń filialdaryn ashý múmkindigin qarastyrýdy, sondai-aq eki memlekettiń prezidenttik mektepteri arasynda tájiribe almasýdy bastaýdy jáne jalpy bilim berý salasyndaǵy yntymaqtastyqty jandandyrýdy usyndy.
Kezdesý qorytyndysy boiynsha Eraly Toǵjanov jyly shyraimen qarsy alǵan qonaqjailyǵy úshin Ózbekstan Premer-Ministrine rizashylyǵyn bildirip, ózbek tarapyn Qazaqstanǵa resmi saparmen kelýge shaqyrdy.
