Qazaqstan Respýblikasy jáne Ózbekstan Respýblikasy Qaýipsizdik keńesteri apparattarynyń keńeitilgen josparly konsýltatsiialary ótti, dep habarlaidy "Ult aqparat" Aqordanyń baspasóz qyzmetine silteme jasap.
Qazaqstan Respýblikasy Prezidentiniń kómekshisi - Qaýipsizdik Keńesiniń hatshysy Qalmuhanbet Qasymov pen Ózbekstan Respýblikasynyń Prezidenti janyndaǵy Qaýipsizdik Keńesiniń hatshysy Viktor Mahmýdovtyń tóraǵalyǵymen jáne ortalyq memlekettik organdar basshylarynyń qatysýymen ótken kelissózder barysynda qaýipsizdikti qamtamasyz etýdiń ózekti mindetteri qaraldy.
Taraptar kontrabandaǵa qarsy is-qimyl jáne keden zańnamasyn buzýshylyqtar boiynsha shekaralyq qyzmetter men keden organdarynyń ózara tiimdi árekettestigin arttyrý máselelerin talqylady. Qazaqstan-Ózbekstan memlekettik shekarasyndaǵy ótkizý beketteri men avtomobil joldaryn qaita qurý jáne jańǵyrtý, irgeles aýmaqty jailastyrý jónindegi jol kartasynyń tarmaqtaryn oryndaý barysy qaraldy.
Kelissózderdiń kún tártibine Ortalyq Aziiadaǵy tatý kórshilik pen ózara senimdi odan ári nyǵaitý boiynsha sharalar engizildi. Eki memlekettiń ókilderi Aýǵanstandaǵy jaǵdaidyń aiasynda óńir qaýipsizdigi jáne onyń turaqty damýy máselelerin talqylady. Sonymen birge, taraptar dini ekstremizmniń aldyn alý salasynda jinaqtaǵan tájiribelerimen jáne usynymdarymen almasty.
Jumys qorytyndysy boiynsha eki eldiń tiisti memlekettik organdaryna naqty tapsyrmalar berildi.
