Qazaqstan men Ózbekstan eki el arasyndaǵy áýe qatynasyn keńeitýge nietti, dep habarlaidy "Ult aqparat" Azamattyq aviatsiia komitetiniń baspasóz qyzmetine silteme jasap.
Tashkent qalasynda «Uzbekistan Airports, Aviation & Logistics Forum 2020» halyqaralyq aviatsiia-logistika forýmy aiasynda QR IIDM Azamattyq aviatsiia komitetiniń tóraǵasy Talǵat Lastaevtyń Ózbekstan Respýblikasynyń Kólik ministri Eliar Ganievpen, Áýe kóligin damytý departamentiniń bastyǵy Ulyqbek Bektashevpen, sondai-aq «Uzbekistan Airports» AQ Basqarma tóraǵasy Rovshan Ismailovpen kezdesýi ótti.
«Kezdesý barysynda taraptar Qazaqstan men Ózbekstannyń azamattyq aviatsiiasyn damytý perspektivalaryn, onyń ishinde Qazaqstannyń áýejailarynda engizilgen «ashyq aspan» rejimi aiasynda sheteldik áýe kompaniialardy tartý boiynsha qabyldanǵan sharalardy talqylady. Sonymen qatar, taraptar Qazaqstan men Ózbekstan arasyndaǵy áýe qatynasyn odan ári keńeitý qajettiligin rastady» delingen habarlamada.
Kezdesý qorytyndysy boiynsha eki el arasynda ruqsat etilgen jiilikter sanyn arttyrý, sondai-aq Qazaqstan men Ózbekstannyń áýe tasymaldaýshylary úshin eki el aýmaǵynda jańa taǵaiyndaý pýnktilerin qosý boiynsha jumysty jalǵastyrýǵa qol jetkizildi.
