© Photo : Agentstvo po finansovomý monitoringý Kazahstana
Túrkistan oblysynda Ózbekstanǵa janarmaidy jasyryn satqandarǵa qatysty qylmystyq isti tergeý aiaqtaldy, dep habarlaidy qarjylyq monitoring agenttigi.
Janarmai jasyryn tonnel arqyly shekaradan ótkizilgen.
"Qazaqstan men Ózbekstan arasyndaǵy shekaraǵa jaqyn aýmaqta top músheleri 450 metrlik jerasty tonnelin qazǵan", - deidi vedomstvo.
Halyqaralyq qylmystyq top arnaiy shemamen 2 ai boiy jumys istegen. Osy ýaqyt ishinde shetelden qarjylandyrylyp otyrǵan janar-jaǵarmai materialdaryn tasymaldaýǵa arnalǵan logistikalyq baǵyttar men jasyryn shyǵarý arnasy qurylǵan.
"Operatsiia barysynda Ózbekstan tarapy da óz aýmaǵynda dál osyndai sharalar júrgizgen. Nátijesinde qylmystyq áreketke qatysy bar barlyq kúdiktiler anyqtaldy. Arasynda Qazaqstannyń 5 azamaty bar", - deidi agenttik.
Qylmystyq iske qatysty tergeý jarty jyldan asa ýaqytqa sozylyp, sotqa joldandy.
