"2003 jyly bastalǵan Qazaqstan men Ózbekstan arasyndaǵy memlekettik shekarany belgileý protsesi aiaqtalýǵa jaqyn", - dep habaraidy Ult.kz tilshisi QazAqparat agenttigine silteme jasap.
Eki tarap ta qorytyndy qujatty aiaqtap jatyr. Bul týraly QazAqparat tilshisine QR Syrtqy ister ministrligi baspasóz qyzmetiniń jetekshisi Ánýar Jainaqov málim etti.
«Bul jumys uzaq ýaqyttan beri kele jatqan másele. Eki tarap memlekettik shekarany ornatýǵa endi-endi jaqyndady. Sońǵy qorytyndy qujattar ázirlenýde. Eki eldiń sarapshylary da jumys istedi. Memlekettik shekarany ornatý jumysy aiaqtalǵan soń, tolyq aqparatty habarlaimyz», - dedi Á.Jainaqov.
Á.Jainaqov málim etkendei, jyl basynan beri shekara ornatý jónindegi Qazaqstan-Ózbekstan komissiiasynyń birlesken úsh otyrysy ótken, sondai-aq, eki jumys toby da kezdesip, máseleni pysyqtaǵan.
QR Syrtqy ister ministrliginiń málimetine sensek, jergilikti eldi mekenderdegi shekara belgisi 1565 negizgi jáne aralyq shekara baǵanymen belgilengen. Osy 1565 baǵannyń 776-syn Qazaqstan tarapy qoiyp shyqqan.
