Syrtqy ister ministri Qairat Ábdirahmanov Mysyr syrtqy saiasi vedomstvosynyń basshysy Sameh Shýkrimen telefon arqyly áńgimesi barysynda alty qazaqstandyq azamattyń Kairde ustap áketilýi boiynsha ahýaldy talqylady, dep habarlady búgin QR Syrtqy ister ministrliginiń baspasóz qyzmeti.
Telefon arqyly suhbat 27 shildeniń keshinde Qazaqstan tarapynan bastamasy boiynsha júrgizildi.
Qazaqstan mysyrlyq bilikten jas azamattardyń ustap áketilý sebepteri men olardyń qazirgi tańda bolý mekenjaiy, densaýlyqtary týraly tolyq aqparatty kútip otyr, dedi Qairat Ábdirahmanov. Ustap alynǵandardyń barlyǵymen Qazaqstan konsýlynyń kezdesýin uiymdastyrý qajet.
S. Shýkri qoiylǵan suraqtardy tolyǵymen túsinip otyrǵanyn jáne olardyń dáiektiligin aityp, bul máselelerdi sheshýde barynsha járdem kórsetýge ýáde berdi.
Sondai-aq, ministrler áńgime barysynda negizin joǵarǵy deńgeidegi kezdesýler qalaǵan eki memleket arasyndaǵy saiasi, saýda-ekonomikalyq jáne mádeni-gýmanitarly yntymaqtastyqtyń damý barysyn talqylady.
Esterińizge sala keteiik, osyǵan deiin Mysyrda 6 stýdenttiń joǵalyp ketkendigi týraly aqparat jariialandy. Keiinirek stýdentterdiń Mysyrdyń quqyq qorǵaý organynda bolǵandyǵy anyqtaldy. Osyǵan bailanysty Qazaqstannyń Mysyr elindegi elshiligi osy oqiǵaǵa bailanysty resmi jaýap talap etti. Sondai-aq Qazaqstan men Mysyrdyń Syrtqy ister ministrleri kezdesetindigi aitylǵan bolatyn.
