Foto: Aqorda
Mońǵoliiaǵa memlekettik saparmen barǵan Qazaqstan Prezidenti Qasym-Jomart Toqaev el Prezidenti Ýhnaagiin Hýrelsýhpen shaǵyn quramda kelissózder ótkizdi. Qazaqstan Prezidenti ózine kórsetilgen qonaqjailyq úshin alǵys bildirip, bul sapardyń erekshe mańyzdylyǵyn atap ótti. Toqaevtyń aitýynsha, Mońǵoliia Qazaqstannyń mańyzdy seriktesteriniń biri, ári qos halyqtyń mádenieti men tarihi tamyry ortaq, dep habarlaidy Ult.kz.
Eki el arasyndaǵy strategiialyq seriktestik nyǵaiady
Kelissózder barysynda Qasym-Jomart Toqaev pen Ýhnaagiin Hýrelsýh Qazaqstan men Mońǵoliia arasyndaǵy strategiialyq seriktestikti nyǵaitýǵa basymdyq beretin mańyzdy qujattarǵa qol qoiý týraly sheshim qabyldady. Toqaev bul deklaratsiianyń ekijaqty qarym-qatynasty jandandyrýǵa negiz bolatyndyǵyn atap ótti. Ol bul qadamnyń elder arasyndaǵy yqpaldastyqty jańa deńgeige kóterip, halyq igiligine jańa múmkindikter ashatynyna senim bildirdi.
Foto: Aqorda
Kelissózderdiń basty baǵyttary
Memleket basshylary saiasi, saýda-ekonomikalyq jáne investitsiialyq bailanystardy keńeitý máselelerin talqylady. Aýyl sharýashylyǵy, taý-ken jáne metallýrgiia, energetika, kólik-logistika jáne qarjy salalaryndaǵy yntymaqtastyq ta nazardan tys qalmady. Toqaev eki el arasynda qol qoiylǵan qujattar men birlesken jobalardy sapaly júzege asyrýdyń mańyzdylyǵyn erekshe atap ótti.
Foto: Aqorda
Halyqaralyq yntymaqtastyq jáne bolashaq seriktestik
Qazaqstan men Mońǵoliia Prezidentteri halyqaralyq jáne óńirlik ózekti máseleler boiynsha pikir almasyp, kópjaqty qurylymdar aiasyndaǵy yqpaldastyqty talqylady. Kezdesý sońynda Mońǵoliia Prezidenti Ýhnaagiin Hýrelsýh Qasym-Jomart Toqaevqa 60 myńnan astam sóz engen Qazaq-mońǵol sózdigin syiǵa tartty.
Bul sapar Qazaqstan men Mońǵoliia arasyndaǵy yntymaqtastyqty jańa deńgeige kóterip, eki eldiń strategiialyq seriktestigin nyǵaitýǵa serpin beredi dep kútilýde.
