Foto: Aqorda
Qasym-Jomart Toqaev pen Ýhnaagiin Hýrelsýhtyń kelissózi resmi delegatsiia músheleriniń qatysýymen keńeitilgen quramda jalǵasty, dep habarlaidy Ult.kz.
Taraptar eki eldiń san qyrly yntymaqtastyǵy dostyq pen ózara qoldaý rýhynda damyp kele jatqanyna nazar aýdardy.
Prezident shaqyrýyn qabyl alyp, elimizge memlekettik saparmen kelgeni jáne Aimaqtyq ekologiialyq sammitke qatysýǵa niet bildirgeni úshin Mońǵoliia Prezidentine alǵys aitty.
Qasym-Jomart Toqaev 2024 jyly qazanda Mońǵoliiaǵa jasaǵan memlekettik saparyn yqylaspen eske alyp, sonyń nátijesinde kóptegen ýaǵdalastyqqa qol jetkizilgenin, al ekijaqty qarym-qatynas strategiialyq seriktestik deńgeiine kóterilgenin atap ótti.
– Saýda-ekonomikalyq yntymaqtastyǵymyz nyǵaia túsýde. Birqatar jetistikter bar. Taýar ainalymy jyldan jylǵa artyp keledi. Ónerkásip salasyna qatysty naqty jobalardy iske qosýdy josparlap otyrmyz. Búgin elordamyzda Qazaq-mońǵol biznes-forýmy ótedi. Oǵan Mońǵoliiadan kelgen kóptegen kompaniialar qatyspaqshy. Biz muny tolyq quptaimyz. Sizdiń de tarapyńyzdan kórsetilgen qoldaýǵa rizashylyǵymdy bildiremin, – dedi Memleket basshysy.
Byltyr Qazaqstan men Mońǵoliia arasyndaǵy saýda kólemi 7,7 paiyzǵa ósip, 130 million dollardan asqan.
Ýhnaagiin Hýrelsýh bul sapar nátijesinde qos halyqtyń dostyǵy men san qyrly yntymaqtastyǵy nyǵaia túsetinine senim bildirip, Qazaqstandy Mońǵoliianyń Ortalyq Aziiadaǵy alǵashqy strategiialyq seriktesi dep atady.
– Dostyq qatynastardy odan ári kúsheitýge, sondai-aq saýda-ekonomikalyq yntymaqtastyǵymyzdyń aiasyn keńeitýge syrtqy saiasatymyzda erekshe basymdyq beremiz. Sońǵy eki jylda kóptegen ortaq mindetterdi qolǵa alyp, ózara seriktestigimizdi jańa deńgeige kóterdik. Eki el arasyndaǵy senimdi bailanystardy nyǵaitýda zań shyǵarýshy organdar airyqsha ról atqarady. Ózara seriktestik áleýeti zor. Sizdiń 2024 jylǵy elimizge saparyńyz aiasynda Mońǵoliia men Qazaqstan arasyndaǵy saýda-ekonomikalyq yntymaqtastyqty jandandyrý boiynsha 2025-2027 jyldarǵa arnalǵan jol kartasyna qol qoiylǵan edi. Endigi mindet – ózara taýar ainalymyn 500 million dollarǵa deiin jetkizý, – dedi Mońǵoliia Prezidenti.
Ýhnaagiin Hýrelsýh Qazaqstan Prezidentin jańa Konstitýtsiiany qabyldaý boiynsha jalpyulttyq referendýmnyń tabysty ótýimen quttyqtap, bul tarihi ýaqiǵa Qazaqstannyń ósip-órkendeýine, zań ústemdigine negizdelgen qoǵam qurýǵa negiz bolatynyna senim bildirdi.
Kelissóz barysynda taraptar aýyl sharýashylyǵy, jeńil ónerkásip, tsifrlandyrý, taý-ken, týrizm, kólik-logistika, óńiraralyq bailanys baǵyttaryndaǵy ózara tiimdi seriktestik perspektivasyn talqylady.
Memleketter basshylary bul rette Úkimetaralyq komissiianyń jumysyn jandandyrý, Astana – Ulan-Batyr, Óskemen – Ólgei baǵyttaryndaǵy áýe reisterin qaita ashý, eki el arasynda tóte avtokólik jolyn salý máselesin pysyqtaý maqsatynda Úkimetaralyq jumys tobyn qurýdyń mańyzyna mán berdi.
Qazaqstan Prezidenti Baian-Ólgei aimaǵynda Qazaqstan konsýldyǵyn ashýǵa kórsetken qoldaýy úshin Mońǵoliia Prezidentine alǵys aitty.
Budan bólek, kezdesýde eki eldiń bilim berý, mádeniet jáne týrizm salalaryndaǵy yntymaqtastyǵyn ilgeriletý máselesi qarastyryldy.
