Foto: Aqorda
Qasym-Jomart Toqaev Býdapeshtke sapary aiasynda Majarstan Memlekettik jinalys tóraǵasy Laslo Kiovermen kezdesti. Prezident Majarstanǵa sapary eki eldiń san qyrly yntymaqtastyǵyn jańa beleske kóteretinin aitty, dep habarlaidy Ult.kz.
Kezdesýde Memleket basshysy joǵary bilim salasyndaǵy qatynastardy arttyrýǵa basa mán berdi. Toqaev Majarstanda oqityn qazaqstandyq stýdentter sanyn kóbeitý jáne jastardy qoldaýdy keńeitý qajettigin atap ótti.
"Sizdiń elińizde oqityn jáne bilim alýǵa nietti jastardy árdaiym qoldaimyz. Bul bailanystar elderimiz arasyndaǵy «altyn kópirge» ainalady", – dedi prezident.
Prezident bilim berý bailanystary mádeni-gýmanitarlyq qatynastardyń damýyna yqpal etetinin jáne halyqtar arasyndaǵy ózara túsinistik úshin negiz bolatynyn atap ótti.
Toqaev saýda-ekonomikalyq jáne mádeni salalardaǵy yntymaqtastyqty keńeitýge yqpal etetin belsendi parlamentaralyq dialogtyń mańyzdylyǵyn atap ótti. Laslo Kiover óz kezeginde parlamentaralyq yqpaldastyqty damytýǵa jan-jaqty qoldaý kórsetkeni úshin Qazaqstan Prezidentine alǵys aityp, zań shyǵarýshy organdardyń yntymaqtastyǵyn odan ári nyǵaitýǵa bar kúsh-jigerin jumsaitynyn jetkizdi.
Sondai-aq, Býdapeshtte Prezident Majarstanda oqityn qazaqstandyq stýdenttermen áńgimelesti.
