Foto: Sputnik / Ilia Pitalev
Qazaqstan men Qytai shekarasyndaǵy ótkizý beketteri mereke kúnderi jabylady, dep habarlady Ulttyq qaýipsizdik komitetiniń baspasóz qyzmeti.
"Qazaqstan men Qytai úkimetteri arasyndaǵy kelisimge sáikes 1, 7 jáne 9 mamyrda "Qorǵas" shekara mańy yntymaqtastyǵy halyqaralyq ortalyǵy men temirjol ótkizý pýnkterin qospaǵanda Qazaqstan-Qytai shekarasyndaǵy avtomobil ótkizý pýnktinde adamdardy, kólik pen júk ótkizý ýaqytsha toqtatylady", - delingen habarlamada.
Sonymen qatar Qazaqstan-Ózbekstan shekarasynda júrgizilip jatqan rekonstrýktsiiaǵa bailanysty "Qaplanbek" ótkizý pýnkti jabyldy, "Tájen", "Atameken" jáne "Qazyǵurt" ótkizý pýnktterinde adamdar men kólik quraldarynyń qozǵalysy shekteldi.
Resei, Qyrǵyzstan jáne Túrikmenstan baǵyttaryndaǵy ótkizý pýnktteri shtattyq rejimde jumys isteidi.
