Qazaqstannyń Qytaidaǵy Elshisi Shahrat Nuryshev QHR Kommertsiia ministriniń orynbasary – Halyqaralyq saýda boiynsha kelissózderindegi Qytaidyń ókili (ministr deńgeiinde) Van Shoývenmen kezdesý ótkizdi, dep habarlaidy "Ult aqparat" QR syrtqy ister ministrligi baspasóz qyzmetine silteme jasap.
"Is-shara barysynda taraptar Qazaqstan men Qytai arasyndaǵy saýda-ekonomikalyq, investitsiialyq jáne óńiraralyq yntymaqtastyqtyń jaǵdaiy men damý perspektivalaryn talqylady. Atap aitqanda, suhbattastar atalǵan salalarda yntymaqtastyqtyń jańa kózqarastaryn qalyptastyrý mańyzdylyǵyn atap ótti.
Ekijaqty yntymaqtastyqqa qosymsha «serpin» berý jáne qolaily jaǵdailar jasaý maqsatynda sharttyq-quqyqtyq bazany jetildirý taqyrybyna erekshe nazar aýdaryldy.
Sh.Nuryshev suhbattasýshynyń nazaryn elektrondyq kommertsiiany qosa alǵanda, ekijaqty saýda kólemin arttyrý boiynsha turaqty yntalandyrý sharalaryn qabyldaý qajettigine aýdardy. Osy turǵyda qazaqstandyq diplomat 2026 jylǵa deiingi saýda-ekonomikalyq yntymaqtastyq baǵdarlamasyn kelisýdi jedeldetý, sondai-aq saýda, investitsiialar jáne óńiraralyq ózara is-qimyl salalaryndaǵy jumys tetikterin jandandyrýdy usyndy" - delingen habarlamada.
Vedomstvo málimetinshe, elshi qazaqstandyq taraptyń Qytaiǵa otandyq mal sharýashylyǵy men aýyl sharýashylyǵy ónimderin jetkizý nomenklatýrasyn keńeitýge daiyn ekenin málimdegen. Sonymen qatar, ol Qazaqstan-Qytai shekarasyndaǵy ótkizý beketteriniń tiimdi jumys isteýi jáne «Qorǵas» Shekara mańy yntymaqtastyǵy halyqaralyq ortalyǵynyń qyzmetin qaita jandandyrý eki jaqty saýda úshin mańyzdy ekenin erekshe atap ótti.
"Óz kezeginde Van Shoýven qytailyq taraptyń QR-QHR arasyndaǵy máńgilik jan-jaqty strategiialyq áriptestikti odan ári nyǵaitý maqsatynda eki el arasyndaǵy saýda jáne investitsiialar salasyndaǵy ózara is-qimyldy jandandyrýǵa daiyndyǵyn bildirdi. QHR Kommertsiia ministriniń orynbasary qazaqstandyq tarap usynǵan ekijaqty taýar ainalymynyń ósýin yntalandyrý jáne saýda-ekonomikalyq yntymaqtastyq tetikterin jetildirý jónindegi sharalardy qoldady" - delingen habarlamada.
Taraptar DSU, ShYU, AÓSShK jáne «Ortalyq Aziia - Qytai» formaty siiaqty kópjaqty birlestikter sheńberinde tyǵyz ózara is-qimyl jasaýǵa kelisken.
