قازاقستاننىڭ قىتايداعى ەلشٸسٸ شاحرات نۇرىشەۆ قحر كوممەرتسييا مينيسترٸنٸڭ ورىنباسارى – حالىقارالىق ساۋدا بويىنشا كەلٸسسٶزدەرٸندەگٸ قىتايدىڭ ٶكٸلٸ (مينيستر دەڭگەيٸندە) ۆان شوۋۆەنمەن كەزدەسۋ ٶتكٸزدٸ, دەپ حابارلايدى "ۇلت اقپارات" قر سىرتقى ٸستەر مينيسترلٸگٸ باسپاسٶز قىزمەتٸنە سٸلتەمە جاساپ.
"ٸس-شارا بارىسىندا تاراپتار قازاقستان مەن قىتاي اراسىنداعى ساۋدا-ەكونوميكالىق, ينۆەستيتسييالىق جەنە ٶڭٸرارالىق ىنتىماقتاستىقتىڭ جاعدايى مەن دامۋ پەرسپەكتيۆالارىن تالقىلادى. اتاپ ايتقاندا, سۇحباتتاستار اتالعان سالالاردا ىنتىماقتاستىقتىڭ جاڭا كٶزقاراستارىن قالىپتاستىرۋ ماڭىزدىلىعىن اتاپ ٶتتٸ.
ەكٸجاقتى ىنتىماقتاستىققا قوسىمشا «سەرپٸن» بەرۋ جەنە قولايلى جاعدايلار جاساۋ ماقساتىندا شارتتىق-قۇقىقتىق بازانى جەتٸلدٸرۋ تاقىرىبىنا ەرەكشە نازار اۋدارىلدى.
ش.نۇرىشەۆ سۇحباتتاسۋشىنىڭ نازارىن ەلەكتروندىق كوممەرتسييانى قوسا العاندا, ەكٸجاقتى ساۋدا كٶلەمٸن ارتتىرۋ بويىنشا تۇراقتى ىنتالاندىرۋ شارالارىن قابىلداۋ قاجەتتٸگٸنە اۋداردى. وسى تۇرعىدا قازاقستاندىق ديپلومات 2026 جىلعا دەيٸنگٸ ساۋدا-ەكونوميكالىق ىنتىماقتاستىق باعدارلاماسىن كەلٸسۋدٸ جەدەلدەتۋ, سونداي-اق ساۋدا, ينۆەستيتسييالار جەنە ٶڭٸرارالىق ٶزارا ٸس-قيمىل سالالارىنداعى جۇمىس تەتٸكتەرٸن جانداندىرۋدى ۇسىندى" - دەلٸنگەن حابارلامادا.
ۆەدومستۆو مەلٸمەتٸنشە, ەلشٸ قازاقستاندىق تاراپتىڭ قىتايعا وتاندىق مال شارۋاشىلىعى مەن اۋىل شارۋاشىلىعى ٶنٸمدەرٸن جەتكٸزۋ نومەنكلاتۋراسىن كەڭەيتۋگە دايىن ەكەنٸن مەلٸمدەگەن. سونىمەن قاتار, ول قازاقستان-قىتاي شەكاراسىنداعى ٶتكٸزۋ بەكەتتەرٸنٸڭ تيٸمدٸ جۇمىس ٸستەۋٸ جەنە «قورعاس» شەكارا ماڭى ىنتىماقتاستىعى حالىقارالىق ورتالىعىنىڭ قىزمەتٸن قايتا جانداندىرۋ ەكٸ جاقتى ساۋدا ٷشٸن ماڭىزدى ەكەنٸن ەرەكشە اتاپ ٶتتٸ.
"ٶز كەزەگٸندە ۆان شوۋۆەن قىتايلىق تاراپتىڭ قر-قحر اراسىنداعى مەڭگٸلٸك جان-جاقتى ستراتەگييالىق ەرٸپتەستٸكتٸ ودان ەرٸ نىعايتۋ ماقساتىندا ەكٸ ەل اراسىنداعى ساۋدا جەنە ينۆەستيتسييالار سالاسىنداعى ٶزارا ٸس-قيمىلدى جانداندىرۋعا دايىندىعىن بٸلدٸردٸ. قحر كوممەرتسييا مينيسترٸنٸڭ ورىنباسارى قازاقستاندىق تاراپ ۇسىنعان ەكٸجاقتى تاۋار اينالىمىنىڭ ٶسۋٸن ىنتالاندىرۋ جەنە ساۋدا-ەكونوميكالىق ىنتىماقتاستىق تەتٸكتەرٸن جەتٸلدٸرۋ جٶنٸندەگٸ شارالاردى قولدادى" - دەلٸنگەن حابارلامادا.
تاراپتار دسۇ, شىۇ, اٶسشك جەنە «ورتالىق ازييا - قىتاي» فورماتى سيياقتى كٶپجاقتى بٸرلەستٸكتەر شەڭبەرٸندە تىعىز ٶزارا ٸس-قيمىل جاساۋعا كەلٸسكەن.
