Sýret: KazTAG
Qazaqstan men Qytai ózara taýar ainalymyn 2 esege arttyrady. Bul týraly Memleket basshysy Qasym-Jomart Toqaevpen kelissózderden keiingi baspasózge arnalǵan málimdeme barysynda Qytai Halyq Respýblikasynyń Tóraǵasy Si Tszinpin aitty.
«Bir beldeý jáne bir jol» bastamasy aiasynda joǵary sapaly yntymaqtastyqty júzege asyryp, praktikalyq salalardaǵy yntymaqtastyq boiynsha jańa nátijelerge qol jetkizýge yqpal etetin bolamyz. Qysqa merzimde taýar ainalymyn eki esege arttyrý úshin jańa mindet qoiyldy. Saýda jáne ekonomika, investitsiialar, indýstriialandyrý, kóliktik ózara bailanys jáne energetika siiaqty dástúrli sektorlardaǵy yntymaqtastyqty úzdiksiz tereńdetýge kelistik», - dedi Qytai basshysy.
Sonymen qatar Si Tszinpinniń aitýynsha, eki el arasyndaǵy saýda-ekonomikalyq yntymaqtastyq baǵdarlamasyn iske asyrý jónindegi jol kartasy muqiiat iske asyrylady. Indýstriialandyrý salasyndaǵy yntymaqtastyq jobalar tabysty ilgeriletiledi. Transkaspii halyqaralyq kólik baǵyty men elderimiz arasyndaǵy úshinshi transshekaralyq temir jol qurylysy jedeldetiledi.
«Negizgi mineraldyq resýrstar, balamaly energiia kózderi, ǵylymi jáne tehnikalyq innovatsiialar, aviatsiia jáne ǵarysh, tsifrlyq ekonomika salalarynda jańa ósý núktelerin birlesip damytýǵa niettimiz», - dedi ol.
