Foto: QR SIM
QR Syrtqy ister ministrliginiń resmi ókili Aibek Smadiiarov Qazaqstan men Qytai arasynda vizasyz rejim qashan bastalýy múmkin ekenin aitty, dep habarlaidy QazAqparat agenttigi.
«2-3 aida bolý múmkin. Biz óz tarapymyzdan, Qazaqstan tarapynan tezdetýge tyrysamyz. Qytai tarapynan da jaýap kútemiz. Memleketishilik rásimderdi aiaqtaý kerek. Bizdiń taraptan osy kelisimdi bekitý týraly Úkimettiń qaýlysyn qabyldaý qajet. Qaýlyny qabyldaýǵa biraz ýaqyt kerek», - dedi Smadiiarov vedomstvoda ótken aptalyq brifing barysynda BAQ ókilderiniń saýalyna orai.
Esterińizge sala keteiik, Qazaqstan Respýblikasynyń Prezidenti Qasym-Jomart Toqaevtyń osy aidaǵy Qytai Halyq Respýblikasyna memlekettik sapary aiasynda birqatar qujatqa qol qoiyldy. Olardyń arasynda «Qazaqstan Respýblikasynyń Úkimeti men Qytai Halyq Respýblikasynyń Úkimeti arasyndaǵy vizalyq talaptardan ózara bosatý týraly kelisim» bar.
