فوتو: قر سٸم
قر سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ قازاقستان مەن قىتاي اراسىندا ۆيزاسىز رەجيم قاشان باستالۋى مٷمكٸن ەكەنٸن ايتتى, دەپ حابارلايدى قازاقپارات اگەنتتٸگٸ.
«2-3 ايدا بولۋ مٷمكٸن. بٸز ٶز تاراپىمىزدان, قازاقستان تاراپىنان تەزدەتۋگە تىرىسامىز. قىتاي تاراپىنان دا جاۋاپ كٷتەمٸز. مەملەكەتٸشٸلٸك رەسٸمدەردٸ اياقتاۋ كەرەك. بٸزدٸڭ تاراپتان وسى كەلٸسٸمدٸ بەكٸتۋ تۋرالى ٷكٸمەتتٸڭ قاۋلىسىن قابىلداۋ قاجەت. قاۋلىنى قابىلداۋعا بٸراز ۋاقىت كەرەك», - دەدٸ سماديياروۆ ۆەدومستۆودا ٶتكەن اپتالىق بريفينگ بارىسىندا باق ٶكٸلدەرٸنٸڭ ساۋالىنا وراي.
ەستەرٸڭٸزگە سالا كەتەيٸك, قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆتىڭ وسى ايداعى قىتاي حالىق رەسپۋبليكاسىنا مەملەكەتتٸك ساپارى اياسىندا بٸرقاتار قۇجاتقا قول قويىلدى. ولاردىڭ اراسىندا «قازاقستان رەسپۋبليكاسىنىڭ ٷكٸمەتٸ مەن قىتاي حالىق رەسپۋبليكاسىنىڭ ٷكٸمەتٸ اراسىنداعى ۆيزالىق تالاپتاردان ٶزارا بوساتۋ تۋرالى كەلٸسٸم» بار.
