Qazaqstan men Qytai arasynda vizalyq rejimde eshqandai ózgeris bolmaǵan. QHR-daǵy QR konsýldyq mekemeleri shtattyq rejimde jumys istep jatyr, dep habarlaidy Qytaidaǵy QazAqparat tilshisi.
«Qazaqstan men Qytai arasynda vizalyq rejimde eshqandai ózgeris bolǵan joq. Bul video 7 maýsymda túsirilgen. Sol kúni Elshiliktiń ǵimaratynyń aldynda 200-ge jýyq adam boldy. Olardyń basym bóligi - Astanadaǵy konkýrsqa baratyn QHR Qorǵanys ministrligi áskeri orkestriniń mýzykanttary men LRT qurylysynyń ýaqytsha jumysshylary», - dep málimdedi QazAqparat tilshisine QHR-daǵy QR Elshiligi Internette taraǵan Qazaqstan vizasyna kezek týraly videoǵa pikir bildire otyryp.
Videoda beinelengen QHR-daǵy QR Elishiligi Konsýldyq bóliminiń kireberisinde taqtadaǵy jazý «QHR-daǵy QR Elishiligi Konsýl bólimi 11 maýsymnan bastap tústen keiin 16.00-den 19.00-ge deiin jumys isteidi» (哈萨克斯坦驻华大使馆签证处从2018年6月11月签证处的下午办公时间为16.00-19.00) dep aýdarylady.
«Qazirgi tańda eshqandai qarbalas joq. Elishiliktiń Konsýldyq bólimi burynǵy rejimmen jumys istep jatyr. Jazǵy ýaqytqa aýysqanǵa deiin saǵat 15.00-den 18.00-ge deiin jumys istedik», - dep atap ótti diplomatiialyq ókildikten.
Eske salaiyq, jelini shýlatqan videodaǵy kadr syrtyndaǵy daýys kezektiń Úrimjidegi Qazaqstan vizalyq qyzmetiniń aldynda turǵanyn, sondai-aq 6 maýsymnan bastap QR men QHR arasynda vizasyz rejim engizilgenin habarlaǵan.
.jpeg)