Foto: Energetika ministrligi
Májilis Qazaqstan men Qytai úkimetteri arasyndaǵy jańartylatyn energiia kózderi (JEK) salasyndaǵy jobalardy iske asyrý týraly kelisimdi ratifikatsiialady, dep habarlaidy Ult.kz.
Májilistiń plenarlyq otyrysynda Energetika ministri Erlan Aqkenjenov JEK jobalaryn júzege asyrýǵa baǵyttalǵan kelisimniń negizgi baǵyttaryn baiandady.
COP-29 klimattyq forýmy aiasynda qol qoiylǵan qujat Pavlodar, Qaraǵandy jáne Túrkistan oblystarynda jalpy qýattylyǵy 1,8 GVt bolatyn úsh iri energetikalyq nysan salýǵa múmkindik beredi.
Quny 2,2 mlrd AQSh dollaryn quraityn jobalar halyqaralyq qarjy institýttarynyń qatysýymen qarjylandyrylady. Jobalar aiasynda qýattylyǵy 1,5 GVt bolatyn eki jel elektr stansasy jáne 300 MVt-tyq bir kún elektr stansasy salynady. Sondai-aq energiia júiesiniń turaqtylyǵyn qamtamasyz etý úshin zamanaýi energiia jinaqtaý júieleri engiziledi.
«Bul jobalar jyl saiyn 5,7 mlrd kVt-saǵattan astam jasyl elektr energiiasyn óndirýge múmkindik beredi jáne kómirqyshqyl gazynyń shyǵaryndylaryn 4,5 mln tonnaǵa deiin azaitady. Osy arqyly Qazaqstannyń klimattyq maqsattaryna qol jetkizýge úles qosady», – dedi Energetika ministri Erlan Aqkenjenov.
Jospar boiynsha qurylys kezeńinde shamamen 2 myń, al nysandar paidalanýǵa berilgennen keiin 200-den astam turaqty jumys orny ashylady. Sondai-aq jobalar óńirlerdegi ózge de salalardyń damýyna serpin beredi.
Qazirgi ýaqytta jobalar josparlaý jumystary men kelisimsharttyq qujattardy ázirleý kezeńinde. Májilistiń kelisimdi ratifikatsiialaýy Qazaqstan men Qytai arasyndaǵy turaqty jáne «jasyl» energetika salasyndaǵy ekijaqty yntymaqtastyqty damytýdaǵy mańyzdy qadam sanalady.
