فوتو: ەنەرگەتيكا مينيسترلٸگٸ
مەجٸلٸس قازاقستان مەن قىتاي ٷكٸمەتتەرٸ اراسىنداعى جاڭارتىلاتىن ەنەرگييا كٶزدەرٸ (جەك) سالاسىنداعى جوبالاردى ٸسكە اسىرۋ تۋرالى كەلٸسٸمدٸ راتيفيكاتسييالادى, دەپ حابارلايدى Ult.kz.
مەجٸلٸستٸڭ پلەنارلىق وتىرىسىندا ەنەرگەتيكا مينيسترٸ ەرلان اقكەنجەنوۆ جەك جوبالارىن جٷزەگە اسىرۋعا باعىتتالعان كەلٸسٸمنٸڭ نەگٸزگٸ باعىتتارىن باياندادى.
COP-29 كليماتتىق فورۋمى اياسىندا قول قويىلعان قۇجات پاۆلودار, قاراعاندى جەنە تٷركٸستان وبلىستارىندا جالپى قۋاتتىلىعى 1,8 گۆت بولاتىن ٷش ٸرٸ ەنەرگەتيكالىق نىسان سالۋعا مٷمكٸندٸك بەرەدٸ.
قۇنى 2,2 ملرد اقش دوللارىن قۇرايتىن جوبالار حالىقارالىق قارجى ينستيتۋتتارىنىڭ قاتىسۋىمەن قارجىلاندىرىلادى. جوبالار اياسىندا قۋاتتىلىعى 1,5 گۆت بولاتىن ەكٸ جەل ەلەكتر ستانساسى جەنە 300 مۆت-تىق بٸر كٷن ەلەكتر ستانساسى سالىنادى. سونداي-اق ەنەرگييا جٷيەسٸنٸڭ تۇراقتىلىعىن قامتاماسىز ەتۋ ٷشٸن زاماناۋي ەنەرگييا جيناقتاۋ جٷيەلەرٸ ەنگٸزٸلەدٸ.
«بۇل جوبالار جىل سايىن 5,7 ملرد كۆت-ساعاتتان استام جاسىل ەلەكتر ەنەرگيياسىن ٶندٸرۋگە مٷمكٸندٸك بەرەدٸ جەنە كٶمٸرقىشقىل گازىنىڭ شىعارىندىلارىن 4,5 ملن تونناعا دەيٸن ازايتادى. وسى ارقىلى قازاقستاننىڭ كليماتتىق ماقساتتارىنا قول جەتكٸزۋگە ٷلەس قوسادى», – دەدٸ ەنەرگەتيكا مينيسترٸ ەرلان اقكەنجەنوۆ.
جوسپار بويىنشا قۇرىلىس كەزەڭٸندە شامامەن 2 مىڭ, ال نىساندار پايدالانۋعا بەرٸلگەننەن كەيٸن 200-دەن استام تۇراقتى جۇمىس ورنى اشىلادى. سونداي-اق جوبالار ٶڭٸرلەردەگٸ ٶزگە دە سالالاردىڭ دامۋىنا سەرپٸن بەرەدٸ.
قازٸرگٸ ۋاقىتتا جوبالار جوسپارلاۋ جۇمىستارى مەن كەلٸسٸمشارتتىق قۇجاتتاردى ەزٸرلەۋ كەزەڭٸندە. مەجٸلٸستٸڭ كەلٸسٸمدٸ راتيفيكاتسييالاۋى قازاقستان مەن قىتاي اراسىنداعى تۇراقتى جەنە «جاسىل» ەنەرگەتيكا سالاسىنداعى ەكٸجاقتى ىنتىماقتاستىقتى دامىتۋداعى ماڭىزدى قادام سانالادى.
