Jambyl oblysynda Qazaqstan Respýblikasynyń Indýstriia jáne infraqurylymdyq damý ministrligi jáne Qyrǵyzstan Respýblikasynyń Kólik, sáýlet, qurylys jáne kommýnikatsiialar ministrliginiń ókilderi arasynda kezdesý ótti. Oǵan QR IID vitse-ministri Berik Qamaliev jáne Qyrǵyzstan Kólik ministriniń orynbasary Talant Soltobaev qatysty, dep habarlaidy "Ult aqparat".
Jiynǵa, sondai-aq QR IIDM Avtomobil joldary komitetiniń, qos memlekettiń shekara qyzmetteriniń jáne «QazAvtoJol» UK» AQ merdiger uiymdarynyń ókilderi qatysty.
Taraptar «Qordai» jáne «Aq Jol» ótkizý beketterin resmi túrde ashý máselesin talqylady. Bul, Qyrǵyzstan tarapynan «Aq Jol» ótkizý beketindegi jumystar aiaqtalǵannan keiin jáne epidemiologiialyq jaǵdai turaqtalǵan kezde múmkin bolmaq.
Qazaqstandyq «Qordai» ótkizý beketin rekonstrýktsiialaý jumystary 100% aiaqtalǵan. Aita keteiik, jańartylǵan «Qordai» beketiniń ótkizý áleýetin táýligine 2500 avtokólik pen 25 myń adamǵa deiin ulǵaitý josparlanǵan.
Budan bólek, vitse-ministr Berik Qamaliev Almaty oblysyndaǵy «Uzynaǵash - Otar» respýblikalyq mańyzy bar joldyń 63-159 shaqyrymyndaǵy rekonstrýktsiia jumystaryn tekserdi. 63-101 shaqyrymdaǵy ýchaskede merdiger uiym barlyq negizgi qurylys jumystaryn júrgizgen. Bul sharalar tolyqtai 2021 jyly támámdalmaq. Sondai-aq, biyl 101-143 shaqyrymdaǵy rekonstrýktsiialaý ýchaskesinde jańa merdigerdi anyqtaý úshin baiqaý ótkizý kózdelýde. Úshinshi ýchaskede jańartý jumystary 2020 jyly aiaqtalǵan bolatyn. 143-159 shaqyrymdaǵy qozǵalys tolyqtai ashyldy. Osylaisha, 2021 jyldyń qorytyndysy boiynsha paidalanýshylar tasjoldyń jańartylǵan 58 shaqyrym jolymen júre alady.
Vitse-ministr, sondai-aq, «Altyn Orda» naryǵy aýmaǵyndaǵy «Almaty-Bishkek» avtojolynyń 16-19 shaqyrymyndaǵy júris bóligin keńeitý baǵytyndaǵy jumys qarqynymen tanysty.
Qazir joldy abattandyrý jáne syrtqy jaryqtandyrý, qozǵalys qiylysynyń armatýralyq toryn ornatý, burylys magistraldy ótpe jol men 4 aialdamany ornatý boiynsha jumystar aiaqtalýǵa taiaý. Bul jumystardy 2021 jyldyń 1 qazanyna deiin aiaqtaý josparlanǵan.
Berik Qamaliev Úlken Almaty ainalma jolynyń qurylys alańynda da boldy. Ondaǵy qurylys-montajdaý jumystary 2022 jyly aiaqtalady dep kútilýde.
Budan bólek, Shamalǵan stantsiiasyndaǵy estakada qurylysynyń barysy da tekserildi. Onda kólik quraldary úshin qozǵalys 2021 jyldyń sońyna deiin ashylatyn bolady. Kezdesýler nátijesinde merdigerlerge jobalardy iske asyrý boiynsha birqatar nusqaýlar men tapsyrmalar berildi.
