Parlament Senatynyń jalpy otyrysynda Qazaqstan men Qyrǵyzstan arasyndaǵy taýar ainalamynyń kórsetkishteri aityldy, dep habarlaidy QazAqparat.
«Ministrlikten alǵan aqparatqa sáikes, Qazaqstan men Qyrǵyzstan arasyndaǵy 2020 jyly 2019 jylǵa qaraǵanda taýar ainalymy 15,3 paiyzǵa tómendegen. Eksport 9,9 paiyzǵa azaisa, al import 26 paiyzǵa kemigen. Saýda balansy 20,6 mln AQSh dollaryna ósken. Osy oraida saýda balansynyń ósimi nemen bailanysty?», - dep surady senator Baýyrjan Qaniev.
Óz kezeginde Saýda jáne integratsiia ministri Baqyt Sultanov pandemiia men koronavirýs daǵdarysynyń saldary elimizge jáne kórshiles memleketterde ekonomikalyq jaǵdaiyna áser etkenenin atap ótti.
«Jalpy, bizdiń eksportymyz da, olardan alyp keletin importymyz da tómendedi. Biraq importtyń kemýi kóbirek boldy. Eksport 62 mln dollarǵa, al import 92 millionǵa qysqardy. Bul óz kezeginde aramyzdaǵy balanstyń jaqsarýyna tikelei áserin berip otyr», - dedi ministr.
Osy oraida ol eksport qurylymynda bidaidyń, temeki ónimderiniń, metall konstrýktsiialardyń jetkizilimi qysqarǵanyn aitty. Sonymen qatar import boiynsha bylǵarydan jasalǵan aiaq kiim, sándik kosmetika jáne basqa taýarlar azaidy.
Budan buryn habarlanǵandai, búgin Senattyń jalpy otyrysynda EAEO aýqymynda Qyrǵyzstannyń ekonomikalyq qatynasy týraly qujat qabyldady.
