Sýret: RBK
Qazaqstan men Ońtústik Koreia elderi arasyndaǵy áýe reisteriniń sany artyp, jańa áýe baǵyttary ashylady, dep habarlaidy "Ult aqparat".
Seýlde (Koreia Respýblikasy) Qazaqstan Respýblikasy Kólik vitse-ministri Talǵat Lastaevtyń Koreia Respýblikasy Jer, infraqurylymy jáne kólik ministriniń orynbasary Iýn Sang Limen ekijaqty kezdesýi ótti.
Kezdesý barysynda taraptar Astana men Seýl arasyndaǵy reisterdi qaita bastaý, Almaty – Seýl baǵyty boiynsha oryndalatyn reisterdi ulǵaitý, sondai-aq Shymkentten Seýlge jáne Pýsan men Qazaqstan qalalary arasyndaǵy reisterdi ashý máselesin talqylap ýaǵdalasty.
Sonymen qatar, Talǵat Lastaev T'Way tómen biýdjettik áýe kompaniiasynyń jáne Sirius Airlines júk áýe kompaniiasynyń basshylyǵymen kezdesýler ótkizdi. Kezdesý barysynda koreialyq tasymaldaýshylar Qazaqstanǵa ushýǵa nietti ekenin bildirdi.
