Búgin elordada Qazaqstan men Iran Syrtqy ister ministrlikteri arasyndaǵy yntymaqtastyq baǵdarlamasyna qol qoiyldy. Qujat Iran Syrtqy ister ministri Mohammad Djavad Zariftiń elimizge resmi sapary aiasynda rásimdeldi, dep habarlaidy QazAqparat.
«2020 jyly búkil Shyǵys álemine ortaq ataqty tulǵalarymyz ál-Farabi jáne Abai jyldaryn belsendi atap óttik. Osy rette, dostas Iran jerinde olardyń murasyn nasihattaý boiynsha kóptegen is-sharalar uiymdastyrýda kórsetken qoldaýy úshin irandyq dostarymyzǵa shynaiy rizashylyǵymyzdy bildiremiz. Sondai-aq, biz eki eldiń mádeniet, bilim-ǵylym salalaryndaǵy yntymaqtastyǵyn arttyrý ózektiligin ashyp kórsetip, kóne qoljazbalardy zertteý baǵytyndaǵy ekijaqty bailanystardy jandandyrýǵa, ǵalymdardyń saparlarymen almasýǵa, tarihi jádigerlermen tanysýda ózara yqpaldastyqty jalǵastyrýǵa kelistik», - dedi Muhtar Tileýberdi Iran Syrtqy ister ministri Mohammad Djavad Zarifpen kezdesýden keiin BAQ ókilderine arnalǵan málimdemesinde.
Onyń atap ótýinshe, búgingi kelisózder eki memleket arasyndaǵy qatynastardyń keleshegin aiqyndaý jáne halyqaralyq ahýal boiynsha pikir almasý turǵysynan óte paidaly boldy.
«Kelissózder nátijesi boiynsha Qazaqstan men Iran Syrtqy ister ministrlikteri arasyndaǵy yntymaqtastyq baǵdarlamasyna qol qoidyq», - dedi QR Syrtqy ister ministri.
