بٷگٸن ەلوردادا قازاقستان مەن يران سىرتقى ٸستەر مينيسترلٸكتەرٸ اراسىنداعى ىنتىماقتاستىق باعدارلاماسىنا قول قويىلدى. قۇجات يران سىرتقى ٸستەر مينيسترٸ موحامماد دجاۆاد زاريفتٸڭ ەلٸمٸزگە رەسمي ساپارى اياسىندا رەسٸمدەلدٸ, دەپ حابارلايدى قازاقپارات.
«2020 جىلى بٷكٸل شىعىس ەلەمٸنە ورتاق اتاقتى تۇلعالارىمىز ەل-فارابي جەنە اباي جىلدارىن بەلسەندٸ اتاپ ٶتتٸك. وسى رەتتە, دوستاس يران جەرٸندە ولاردىڭ مۇراسىن ناسيحاتتاۋ بويىنشا كٶپتەگەن ٸس-شارالار ۇيىمداستىرۋدا كٶرسەتكەن قولداۋى ٷشٸن يراندىق دوستارىمىزعا شىنايى ريزاشىلىعىمىزدى بٸلدٸرەمٸز. سونداي-اق, بٸز ەكٸ ەلدٸڭ مەدەنيەت, بٸلٸم-عىلىم سالالارىنداعى ىنتىماقتاستىعىن ارتتىرۋ ٶزەكتٸلٸگٸن اشىپ كٶرسەتٸپ, كٶنە قولجازبالاردى زەرتتەۋ باعىتىنداعى ەكٸجاقتى بايلانىستاردى جانداندىرۋعا, عالىمداردىڭ ساپارلارىمەن الماسۋعا, تاريحي جەدٸگەرلەرمەن تانىسۋدا ٶزارا ىقپالداستىقتى جالعاستىرۋعا كەلٸستٸك», - دەدٸ مۇحتار تٸلەۋبەردٸ يران سىرتقى ٸستەر مينيسترٸ موحامماد دجاۆاد زاريفپەن كەزدەسۋدەن كەيٸن باق ٶكٸلدەرٸنە ارنالعان مەلٸمدەمەسٸندە.
ونىڭ اتاپ ٶتۋٸنشە, بٷگٸنگٸ كەلٸسٶزدەر ەكٸ مەملەكەت اراسىنداعى قاتىناستاردىڭ كەلەشەگٸن ايقىنداۋ جەنە حالىقارالىق احۋال بويىنشا پٸكٸر الماسۋ تۇرعىسىنان ٶتە پايدالى بولدى.
«كەلٸسسٶزدەر نەتيجەسٸ بويىنشا قازاقستان مەن يران سىرتقى ٸستەر مينيسترلٸكتەرٸ اراسىنداعى ىنتىماقتاستىق باعدارلاماسىنا قول قويدىق», - دەدٸ قر سىرتقى ٸستەر مينيسترٸ.
