Búgin QR Premer-Ministriniń orynbasary – Syrtqy ister ministri Muhtar Tileýberdi Iran Syrtqy ister ministri Mohammad Djavad Zarifpen kezdesý ótkizdi, dep habarlaidy QazAqparat.
«Búgin biz Iran Islam Respýblikasynyń Syrtqy ister ministri Mohammad Djavad Zarifpen óte jemisti kezdesý ótkizdik. Onyń barysynda eki el arasyndaǵy yntymaqtastyqtyń qazirgi ahýalyna jáne onyń bolashaq damýyna sholý jasadyq. Nur-Sultan men Tegerannyń óńirlik jáne halyqaralyq máselelerge qatysty ózara ustanymdary boiynsha pikir almastyq. Búkil álemdi sharpyǵan COVID-19 pandemiiasy halyqaralyq qatynastar júiesine eleýli áser etti. Osyǵan qaramastan, pandemiia qaýpi báseńdegen soń biz ekijaqty is-sharalardy ótkizý týraly ýaǵdalastyq», - dedi Muhtar Tileýberdi kezdesýden keiin BAQ ókilderine arnalǵan málimdemesinde.
Onyń atap ótýinshe, búgingi basqosýda Kaspiige qatysty ekijaqty jáne kópjaqty yntymaqtastyqqa basa nazar aýdaryldy. 2018 jyly Aqtaý qalasynda ótken Besinshi Kaspii sammitiniń tarihi mańyzy erekshe atap ótildi. Kaspii teńiziniń quqyqtyq mártebesi týraly konventsiianyń baptaryn oryndaý jáne Aqtaý sammitinde qol jetkizilgen ýaǵdalastyqtardy júzege asyrý qajettigi kelisildi.
«Biz eki eldiń Birikken Ulttar Uiymy, Aziiadaǵy ózara yqpaldastyq jáne senim sharalary jónindegi keńes, Islam yntymaqtastyq uiymy, Ekonomikalyq yntymaqtastyq uiymy jáne taǵy basqa halyqaralyq jáne óńirlik uiymdar sheńberindegi ózara árekettestigin oń baǵaladyq. Eki memlekettiń saýda-ekonomikalyq bailanysynyń kókjiekterin talqylap, kólik-tranzit, aýyl sharýashylyǵy jáne taǵy basqa salalardaǵy ózara yqpaldastyqtyń qarqynyn ósirý qajettigin atap óttik», - dedi QR Syrtqy ister ministri.
Sonymen qatar taraptar Parsy shyǵanaǵy men Eýropa, Resei jáne Qytai naryqtaryna tez jetýge múmkindik beretin Ózen (Qazaqstan) – Bereket (Túrikmenstan) - Inchebýrýn (Iran) temir jolynyń áleýetin tolyq paidalaný mańyzdylyǵyn ashyp aitqan.
«2020 jyly Qazaqstan men Iran arasyndaǵy saýda ainalymy 237 mln dollardy qurap, 2019 jylǵa qaraǵanda 37,2 paiyzǵa tómendedi. Osy rette ártúrli jaǵdaiǵa bailanysty báseńdegen ekijaqty taýar ainalymy kólemin arttyrýǵa jan-jaqty qoldaý kórsetý joldaryn talqyladyq. Biz bul baǵyttaǵy ýaǵdalastyqtardy Qazaqstan-Iran saýda-ekonomikalyq yntymaqtastyq jónindegi úkimetaralyq komissiia aiasynda júzege asyrý qajet dep kelistik. Qazaqstan men Iran arasyndaǵy saýda ainalymynyń artýyna oń yqpal etýi tiis Iran men Eýraziialyq ekonomikalyq odaq arasynda qol qoiylǵan Erkin saýda aimaǵyn qurý jónindegi ýaqytsha kelisimdi tolyq formatty kelisimge ainaldyrý boiynsha kelissózder úderisin quptaimyz», - dedi Muhtar Tileýberdi.
