بٷگٸن قر پرەمەر-مينيسترٸنٸڭ ورىنباسارى – سىرتقى ٸستەر مينيسترٸ مۇحتار تٸلەۋبەردٸ يران سىرتقى ٸستەر مينيسترٸ موحامماد دجاۆاد زاريفپەن كەزدەسۋ ٶتكٸزدٸ, دەپ حابارلايدى قازاقپارات.
«بٷگٸن بٸز يران يسلام رەسپۋبليكاسىنىڭ سىرتقى ٸستەر مينيسترٸ موحامماد دجاۆاد زاريفپەن ٶتە جەمٸستٸ كەزدەسۋ ٶتكٸزدٸك. ونىڭ بارىسىندا ەكٸ ەل اراسىنداعى ىنتىماقتاستىقتىڭ قازٸرگٸ احۋالىنا جەنە ونىڭ بولاشاق دامۋىنا شولۋ جاسادىق. نۇر-سۇلتان مەن تەگەراننىڭ ٶڭٸرلٸك جەنە حالىقارالىق مەسەلەلەرگە قاتىستى ٶزارا ۇستانىمدارى بويىنشا پٸكٸر الماستىق. بٷكٸل ەلەمدٸ شارپىعان COVID-19 پاندەميياسى حالىقارالىق قاتىناستار جٷيەسٸنە ەلەۋلٸ ەسەر ەتتٸ. وسىعان قاراماستان, پاندەمييا قاۋپٸ بەسەڭدەگەن سوڭ بٸز ەكٸجاقتى ٸس-شارالاردى ٶتكٸزۋ تۋرالى ۋاعدالاستىق», - دەدٸ مۇحتار تٸلەۋبەردٸ كەزدەسۋدەن كەيٸن باق ٶكٸلدەرٸنە ارنالعان مەلٸمدەمەسٸندە.
ونىڭ اتاپ ٶتۋٸنشە, بٷگٸنگٸ باسقوسۋدا كاسپييگە قاتىستى ەكٸجاقتى جەنە كٶپجاقتى ىنتىماقتاستىققا باسا نازار اۋدارىلدى. 2018 جىلى اقتاۋ قالاسىندا ٶتكەن بەسٸنشٸ كاسپيي سامميتٸنٸڭ تاريحي ماڭىزى ەرەكشە اتاپ ٶتٸلدٸ. كاسپيي تەڭٸزٸنٸڭ قۇقىقتىق مەرتەبەسٸ تۋرالى كونۆەنتسييانىڭ باپتارىن ورىنداۋ جەنە اقتاۋ سامميتٸندە قول جەتكٸزٸلگەن ۋاعدالاستىقتاردى جٷزەگە اسىرۋ قاجەتتٸگٸ كەلٸسٸلدٸ.
«بٸز ەكٸ ەلدٸڭ بٸرٸككەن ۇلتتار ۇيىمى, ازيياداعى ٶزارا ىقپالداستىق جەنە سەنٸم شارالارى جٶنٸندەگٸ كەڭەس, يسلام ىنتىماقتاستىق ۇيىمى, ەكونوميكالىق ىنتىماقتاستىق ۇيىمى جەنە تاعى باسقا حالىقارالىق جەنە ٶڭٸرلٸك ۇيىمدار شەڭبەرٸندەگٸ ٶزارا ەرەكەتتەستٸگٸن وڭ باعالادىق. ەكٸ مەملەكەتتٸڭ ساۋدا-ەكونوميكالىق بايلانىسىنىڭ كٶكجيەكتەرٸن تالقىلاپ, كٶلٸك-ترانزيت, اۋىل شارۋاشىلىعى جەنە تاعى باسقا سالالارداعى ٶزارا ىقپالداستىقتىڭ قارقىنىن ٶسٸرۋ قاجەتتٸگٸن اتاپ ٶتتٸك», - دەدٸ قر سىرتقى ٸستەر مينيسترٸ.
سونىمەن قاتار تاراپتار پارسى شىعاناعى مەن ەۋروپا, رەسەي جەنە قىتاي نارىقتارىنا تەز جەتۋگە مٷمكٸندٸك بەرەتٸن ٶزەن (قازاقستان) – بەرەكەت (تٷرٸكمەنستان) - ينچەبۋرۋن (يران) تەمٸر جولىنىڭ ەلەۋەتٸن تولىق پايدالانۋ ماڭىزدىلىعىن اشىپ ايتقان.
«2020 جىلى قازاقستان مەن يران اراسىنداعى ساۋدا اينالىمى 237 ملن دوللاردى قۇراپ, 2019 جىلعا قاراعاندا 37,2 پايىزعا تٶمەندەدٸ. وسى رەتتە ەرتٷرلٸ جاعدايعا بايلانىستى بەسەڭدەگەن ەكٸجاقتى تاۋار اينالىمى كٶلەمٸن ارتتىرۋعا جان-جاقتى قولداۋ كٶرسەتۋ جولدارىن تالقىلادىق. بٸز بۇل باعىتتاعى ۋاعدالاستىقتاردى قازاقستان-يران ساۋدا-ەكونوميكالىق ىنتىماقتاستىق جٶنٸندەگٸ ٷكٸمەتارالىق كوميسسييا اياسىندا جٷزەگە اسىرۋ قاجەت دەپ كەلٸستٸك. قازاقستان مەن يران اراسىنداعى ساۋدا اينالىمىنىڭ ارتۋىنا وڭ ىقپال ەتۋٸ تيٸس يران مەن ەۋرازييالىق ەكونوميكالىق وداق اراسىندا قول قويىلعان ەركٸن ساۋدا ايماعىن قۇرۋ جٶنٸندەگٸ ۋاقىتشا كەلٸسٸمدٸ تولىق فورماتتى كەلٸسٸمگە اينالدىرۋ بويىنشا كەلٸسسٶزدەر ٷدەرٸسٸن قۇپتايمىز», - دەدٸ مۇحتار تٸلەۋبەردٸ.
