Qazaqstan men Frantsiia 2030 jylǵa deiingi yntymaqtastyqtyń Jol kartasyna qol qoidy, dep habarlaidy "Ult aqparat".
Qazaqstan men Frantsiia 2030 jylǵa deiingi ekonomikalyq jáne investitsiialyq yntymaqtastyqtyń birlesken Jol kartasyna qol qoidy.
Qujatqa QR SIM, «KAZAKH INVEST» UK» AQ, eki eldiń elshilikteri jáne «MEDEF» frantsýz kásipkerleri qaýymdastyǵymen birlesip uiymdastyrǵan Frantsýz Respýblikasynyń Eýropa jáne syrtqy ister ministri janyndaǵy syrtqy saýda jáne ekonomikalyq tartymdylyq jónindegi ministr-delegat Frank Riesterdiń Qazaqstanǵa sapary aiasynda qol qoiyldy.
Frank Riester atap ótkendei, Frantsiia Prezidenti Emmaniýel Makron bastaǵan bul qujat ekijaqty strategiialyq áriptestiktiń jańa kezeńin belgilep, ekijaqty bailanystardy damytýǵa qýatty serpin beredi.
«Frantsýz-qazaqstandyq strategiialyq seriktestik uzaqmerzimdi birlesken jobalarǵa negizdelgen. Jiyrma jyldan astam ýaqyt boiy iri frantsýz ónerkásiptik toptary óndirýshi energetika, aviatsiia, temirjol jabdyqtarynyń qurylysy jáne ǵarysh salasy siiaqty negizgi salalarda qazaqstandyq kompaniialarmen áriptestik qatynastardy jolǵa qoiý týraly sheshim qabyldady. 2018 jyly bizdiń elderimizdiń prezidentteri 2021-2030 jyldarǵa arnalǵan frantsýz-qazaqstandyq ekonomikalyq yntymaqtastyǵynyń jol kartasyna bastamashy boldy. «Jol kartasy» taiaýdaǵy on jylǵa bizdiń ekijaqty ekonomikalyq qatynastarymyzǵa jańa serpin beredi. Meniń oiymsha, frantsýz-qazaqstandyq ekonomikalyq qatynastar kóptegen bastamalarmen kelesi onjyldyq ishinde ártaraptandyrylyp, únemi keńeie túsýi úshin barlyq jaǵdai jasalǵan. Jaqyn arada naqty jobalar júzege asyrylady dep oilaimyn», - dedi Frank Riester.
Aita ketý kerek, delegatsiia quramyna birqatar iri frantsýz kompaniialarynyń ókilderi kirdi. Olardyń qatarynda álemge áigili «Airbus», «Air Liquide», «Saint-Gobain», «Orano», «Total Eren», «Vicat», «Thales», «Idemia», «Tractebel», «Alstom» kompaniialarynyń basshylary, «BPI France» bizneske járdemdesý institýty, Lazard Freres» qarjy institýty jáne basqalar.
Sapar aiasynda sheteldik delegattar QR Prezidentiniń Halyqaralyq yntymaqtastyq jónindegi arnaiy ókili Erjan Qazyhanovpen, Indýstriia jáne infraqurylymdyq damý, energetika, qarjy, tsifrlyq damý, innovatsiialar jáne aeroǵarysh ónerkásibi ministrlikteriniń, sondai-aq Nur-Sultan qalasy ákimdiginiń, «Samuryq-Qazyna» UÁQ» AQ jáne «Báiterek» UBH» AQ basshylyǵymen kezdesýler ótkizdi.
Dialog barysynda taraptar eki eldiń biznes qurylymdary arasyndaǵy ózara tiimdi yntymaqtastyqty nyǵaitýdyń, sondai-aq energetika, sý sharýashylyǵy jáne turǵyn úi-kommýnaldyq infraqurylymyn jańǵyrtý, tsifrlyq densaýlyq saqtaý, biometriialyq júieler, avtomobil jasaý, transformatorlar óndirisi, ǵaryshtyq spýtnikterdi qurastyrý jáne basqa salalardaǵy birlesken jobalardy iske asyrýdyń ózekti máselelerin talqylady.
Kelissóz qorytyndysy boiynsha densaýlyq saqtaý salasyndaǵy yntymaqtastyq týraly memorandýmǵa jáne frantsiialyq AFD damý agenttigi men QR Ulttyq ekonomika ministrligi arasynda yntymaqtastyq týraly memorandýmǵa qol qoiyldy.
