قازاقستان مەن فرانتسييا 2030 جىلعا دەيٸنگٸ ىنتىماقتاستىقتىڭ جول كارتاسىنا قول قويدى, دەپ حابارلايدى "ۇلت اقپارات".
قازاقستان مەن فرانتسييا 2030 جىلعا دەيٸنگٸ ەكونوميكالىق جەنە ينۆەستيتسييالىق ىنتىماقتاستىقتىڭ بٸرلەسكەن جول كارتاسىنا قول قويدى.
قۇجاتقا قر سٸم, «KAZAKH INVEST» ۇك» اق, ەكٸ ەلدٸڭ ەلشٸلٸكتەرٸ جەنە «MEDEF» فرانتسۋز كەسٸپكەرلەرٸ قاۋىمداستىعىمەن بٸرلەسٸپ ۇيىمداستىرعان فرانتسۋز رەسپۋبليكاسىنىڭ ەۋروپا جەنە سىرتقى ٸستەر مينيسترٸ جانىنداعى سىرتقى ساۋدا جەنە ەكونوميكالىق تارتىمدىلىق جٶنٸندەگٸ مينيستر-دەلەگات فرانك ريەستەردٸڭ قازاقستانعا ساپارى اياسىندا قول قويىلدى.
فرانك ريەستەر اتاپ ٶتكەندەي, فرانتسييا پرەزيدەنتٸ ەممانيۋەل ماكرون باستاعان بۇل قۇجات ەكٸجاقتى ستراتەگييالىق ەرٸپتەستٸكتٸڭ جاڭا كەزەڭٸن بەلگٸلەپ, ەكٸجاقتى بايلانىستاردى دامىتۋعا قۋاتتى سەرپٸن بەرەدٸ.
«فرانتسۋز-قازاقستاندىق ستراتەگييالىق سەرٸكتەستٸك ۇزاقمەرزٸمدٸ بٸرلەسكەن جوبالارعا نەگٸزدەلگەن. جيىرما جىلدان استام ۋاقىت بويى ٸرٸ فرانتسۋز ٶنەركەسٸپتٸك توپتارى ٶندٸرۋشٸ ەنەرگەتيكا, اۆياتسييا, تەمٸرجول جابدىقتارىنىڭ قۇرىلىسى جەنە عارىش سالاسى سيياقتى نەگٸزگٸ سالالاردا قازاقستاندىق كومپانييالارمەن ەرٸپتەستٸك قاتىناستاردى جولعا قويۋ تۋرالى شەشٸم قابىلدادى. 2018 جىلى بٸزدٸڭ ەلدەرٸمٸزدٸڭ پرەزيدەنتتەرٸ 2021-2030 جىلدارعا ارنالعان فرانتسۋز-قازاقستاندىق ەكونوميكالىق ىنتىماقتاستىعىنىڭ جول كارتاسىنا باستاماشى بولدى. «جول كارتاسى» تاياۋداعى ون جىلعا بٸزدٸڭ ەكٸجاقتى ەكونوميكالىق قاتىناستارىمىزعا جاڭا سەرپٸن بەرەدٸ. مەنٸڭ ويىمشا, فرانتسۋز-قازاقستاندىق ەكونوميكالىق قاتىناستار كٶپتەگەن باستامالارمەن كەلەسٸ ونجىلدىق ٸشٸندە ەرتاراپتاندىرىلىپ, ٷنەمٸ كەڭەيە تٷسۋٸ ٷشٸن بارلىق جاعداي جاسالعان. جاقىن ارادا ناقتى جوبالار جٷزەگە اسىرىلادى دەپ ويلايمىن», - دەدٸ فرانك ريەستەر.
ايتا كەتۋ كەرەك, دەلەگاتسييا قۇرامىنا بٸرقاتار ٸرٸ فرانتسۋز كومپانييالارىنىڭ ٶكٸلدەرٸ كٸردٸ. ولاردىڭ قاتارىندا ەلەمگە ەيگٸلٸ «Airbus», «Air Liquide», «Saint-Gobain», «Orano», «Total Eren», «Vicat», «Thales», «Idemia», «Tractebel», «Alstom» كومپانييالارىنىڭ باسشىلارى, «BPI France» بيزنەسكە جەردەمدەسۋ ينستيتۋتى, Lazard Freres» قارجى ينستيتۋتى جەنە باسقالار.
ساپار اياسىندا شەتەلدٸك دەلەگاتتار قر پرەزيدەنتٸنٸڭ حالىقارالىق ىنتىماقتاستىق جٶنٸندەگٸ ارنايى ٶكٸلٸ ەرجان قازىحانوۆپەن, يندۋسترييا جەنە ينفراقۇرىلىمدىق دامۋ, ەنەرگەتيكا, قارجى, تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸكتەرٸنٸڭ, سونداي-اق نۇر-سۇلتان قالاسى ەكٸمدٸگٸنٸڭ, «سامۇرىق-قازىنا» ۇەق» اق جەنە «بەيتەرەك» ۇبح» اق باسشىلىعىمەن كەزدەسۋلەر ٶتكٸزدٸ.
ديالوگ بارىسىندا تاراپتار ەكٸ ەلدٸڭ بيزنەس قۇرىلىمدارى اراسىنداعى ٶزارا تيٸمدٸ ىنتىماقتاستىقتى نىعايتۋدىڭ, سونداي-اق ەنەرگەتيكا, سۋ شارۋاشىلىعى جەنە تۇرعىن ٷي-كوممۋنالدىق ينفراقۇرىلىمىن جاڭعىرتۋ, تسيفرلىق دەنساۋلىق ساقتاۋ, بيومەترييالىق جٷيەلەر, اۆتوموبيل جاساۋ, ترانسفورماتورلار ٶندٸرٸسٸ, عارىشتىق سپۋتنيكتەردٸ قۇراستىرۋ جەنە باسقا سالالارداعى بٸرلەسكەن جوبالاردى ٸسكە اسىرۋدىڭ ٶزەكتٸ مەسەلەلەرٸن تالقىلادى.
كەلٸسسٶز قورىتىندىسى بويىنشا دەنساۋلىق ساقتاۋ سالاسىنداعى ىنتىماقتاستىق تۋرالى مەموراندۋمعا جەنە فرانتسييالىق AFD دامۋ اگەنتتٸگٸ مەن قر ۇلتتىق ەكونوميكا مينيسترلٸگٸ اراسىندا ىنتىماقتاستىق تۋرالى مەموراندۋمعا قول قويىلدى.
