Foto: Aqorda
Finliandiia Prezidenti Aleksandr Stýbbtyń Qazaqstanǵa resmi sapary aiasynda eki el arasynda yntymaqtastyqty tereńdetýge baǵyttalǵan 15 qujatqa qol qoiyldy, dep habarlaidy Ult.kz.
Qol qoiylǵan qujattar energetika, ekologiia, sý resýrstary, ǵylym jáne týrizm salalaryn qamtidy.
Atap aitqanda,
-
Qazaqstannyń Atom energiiasy jónindegi agenttigi men Finliandiianyń Radiatsiialyq jáne iadrolyq qaýipsizdik basqarmasy (STUK) arasynda iadrolyq energiiany beibit maqsatta paidalaný jónindegi yntymaqtastyq týraly memorandým bekitildi;
-
Sý resýrstary jáne irrigatsiia ministrligi men Finliandiianyń Aýyl jáne orman sharýashylyǵy ministrligi sý resýrstaryn basqarý salasynda ózara túsinistikke keldi;
-
Ǵylym jáne joǵary bilim ministrligi, Finnish Water Forum jáne Qazaq ulttyq sý sharýashylyǵy jáne irrigatsiia ýniversiteti sý resýrstaryn tsifrlandyrý jáne basqarý salasynda birlesip jumys isteý jóninde kelisimge qol qoidy;
-
«Býrabai» kýrortynda týrizmdi damytý boiynsha yntymaqtastyq týraly memorandým jasaldy;
-
Ekologiia jáne tabiǵi resýrstar ministrligi men Finnish Water Forum gidrometeorologiialyq jáne ekologiialyq monitoring júrgizetin onlain júieni jergilikti deńgeide óndirý týraly deklaratsiiaǵa qol qoidy;
-
Sonymen qatar, ekologiialyq aýyldy damytý jobasy men teńizdegi munaidyń apattyq tógilýin joiý jónindegi kelisimder de qabyldandy.
Bul qujattar Qazaqstan men Finliandiia arasyndaǵy strategiialyq seriktestikti jańa deńgeige kóterip, ekologiialyq jáne tehnologiialyq baǵyttarda ózara tiimdi jobalardy iske asyrýǵa jol ashady.
