1 qarasha kúni Qazaqstan halqy Assambleiasy Tóraǵasynyń orynbasary Darhan Myńbai men Eýraziianyń evrei qaýymdaryn qoldaýǵa baǵyttalǵan ulttyq koalitsiianyń (NCSEJ) atqarýshy direktory Mark Levin kezdesti.
Is-sharaǵa QHA, NCSEJ basqarmasynyń músheleri, etnomádeni birlestikter men BAQ ókilderi qatysty.
Kezdesý barysynda Qazaqstan men evrei qaýymdastyqtary arasyndaǵy qoǵamdyq kelisimdi qamtamasyz etý, etnosaralyq qatynastar salasyndaǵy saiasatty iske asyrý, ózara qarym-qatynastar jáne qoǵamdyq kelisimdi nyǵaitýǵa baǵyttalǵan túrli is-sharalardy birlese uiymdastyrý máseleleri qaraldy.
Qazaqstandaǵy ulttar men ulystardyń uiysyp, qoǵammen bite qainasa kún keshýi qýantady. Dostyqty tý etken qazaqstandyq úlgi men tájiribege álem elderi qyzyǵady. Bul jaiynda Eýraziianyń evrei qaýymdaryn qoldaý ulttyq koalitsiiasynyń atqarýshy direktory Mark Levin Qazaqstan halqy Assambleiasy tóraǵasynyń orynbasary Darhan Myńbaimen bolǵan kezdesýde málimdedi. Jiynǵa túrli etnomádeni birlestik ókilderi shaqyryldy. Olar etnosaralyq qatynastar salasyndaǵy saiasatty júzege asyrý men qoǵamdyq kelisimdi nyǵaitýǵa arnalǵan sharalardy birlese uiymdastyrý máselelerin talqylady.
Qazaqstan halqy Assambleiasy tóraǵasynyń orynbasary Darhan Myńbai: «Jalpy, úsh myńǵa jýyq qoǵamdyq kelisim keńesteri bar. Olar kóptegen jumys atqaryp jatyr. Tek qana áleýmettik - turmystyq máseleler ǵana emes, barlyq jaǵynan túsinbeýshilikterdi sheshýge eńbek etip jatyr», - dedi.
Ózara túsinistik jaǵdaiynda ótken kezdesý barysynda Qazaqstan men evrei qaýymdary arasynda qoǵamdyq kelisimdi qamtamasyz etý, etnosaralyq qatynastar salasyndaǵy saiasatty iske asyrý, qoǵamdyq kelisimdi nyǵaitýǵa baǵyttalǵan is-sharalardy birlesip uiymdastyrý máseleleri sóz boldy. QHA Tóraǵasynyń orynbasary meimandardy Assambleianyń qurylymy týraly áńgimelep, onyń konstitýtsiialyq mártebesi bar organ retinde sanalatynynan da habardar etti. Onyń atap ótýinshe, 2008 jyly «Qazaqstan halqy Assambleiasy týraly» zań qabyldandy. Sondai-aq Assambleianyń ǵylymi-saraptamalyq keńesi jáne elimizdiń joǵary oqý oryndarynda 33 QHA kafedralary jumys isteidi. «Búginde 1338 etnomádeni birlestik qyzmet etip keledi, olardyń 29-y respýblikalyq deńgeidegi birlestikter, – dedi D.Myńbai. – «Dostyq» úileri jáne ulttyq teatrlar da jumys isteýde. Onyń úsheýi akademiialyq teatrlar. Osynyń barlyǵy Prezidentimiz N.Á.Nazarbaevtyń etnosaralyq jáne konfessiiaaralyq yntymaq pen tatýlyqqa erekshe kóńil bóletinin bildiredi».
M.Levin aldymen ózi jetekshilik etetin qurylymnyń qyzmetimen tanystyrdy. Onyń aitýynsha, bul ulttyq koalitsiia KSRO taraǵannan soń óz táýelsizdigin alǵan elderde jáne Shyǵys Eýropa memleketterinde turatyn evrei qaýymdaryna qoldaý kórsetýmen ainalysady. Búginde olardyń kópshiligimen bailanys ornatqan.
«Qazaqstandaǵy evrei qaýymdary Prezident, sondai-aq Qazaqstan halqy Assambleiasy tarapynan naqty qoldaýǵa ie bolyp otyrǵanyn kórip otyrmyz», dedi M.Levin.
.jpeg)