Foto: Aqorda
Qazaqstanǵa memlekettik saparmen kelgen Estoniia prezidenti Alar Karis pen Memleket basshysy Qasym-Jomart Toqaev Aqordada resmi kelissózder ótkizdi, dep habarlaidy Ult.kz.
Kezdesý barysynda ekijaqty saiasi, ekonomikalyq jáne mádeni yntymaqtastyqty keńeitý máseleleri talqylandy. Prezident Toqaev Estoniiany Qazaqstannyń mańyzdy strategiialyq seriktesteriniń biri ekenin atap ótti.
«Estoniia – Qazaqstannyń mańyzdy strategiialyq seriktesteriniń biri. Eki el arasynda túitkildi másele joq. Ózara yntymaqtastyq áleýeti zor, ony odan ári damytýymyz qajet. Bul saparyńyz ekijaqty yqpaldastyǵymyzǵa jańa serpin beredi dep senemin», – dedi Memleket basshysy.
Toqaev Qazaqstannyń Estoniianyń teńiz porttaryn paidalaný, saýda-sattyq kólemin arttyrý jáne halyqaralyq uiymdar aiasyndaǵy seriktestikti tereńdetýge múddeli ekenin atap ótti.
Óz kezeginde Estoniia prezidenti Alar Karis eki el arasyndaǵy qatynastardyń joǵary deńgeide ekenin, biznes ókilderi jańa jobalardy talqylap jatqanyn aitty.
«Qatynastarymyz óte jaqsy. Keibir kedergiler bar, biraq olardy eńserýge bolady. Birneshe iskerlik kezdesý josparlanǵan, memorandýmdarǵa qol qoiylady. Jańa bastamalar bizdiń yntymaqtastyǵymyzdy nyǵaitady», – dedi ol.
Alar Karis geosaiasi turaqsyzdyqtyń ózara árekettestikke yqpal etetinin atap ótip, BUU-ny reformalaý qajettiligine toqtaldy.
Kelissózder qorytyndysy boiynsha Qazaqstan men Estoniia jańa yntymaqtastyq baǵyttaryn damytýǵa nietti ekeni belgili boldy.
